QR Premer-Mınıstriniń sibir jarasynyń jańa jaǵdaılaryna jol bermeý boıynsha tapsyrmalary oryndalýda - QR AShM

ASTANA. QazAqparat - QR Premer-Mınıstri Kárim Másimovtiń iri qara maldyń taǵy da sibir jarasy aýrýlaryna shaldyqpaýyn qadaǵalaý týraly tapsyrmasyna sáıkes sharalar qoldanylyp jatyr, dedi QR AShM veterınarlyq baqylaý jáne qadaǵalaý komıtetiniń tóraǵasy Saqtash Hasenov Ortalyq kommýnıkatsııalar ortalyǵynda ótken baspasóz konferentsııasynda.

 «Qazaqstan boıynsha 1,5 - 2 aıdyń kóleminde iri qaranyń sibir jarasymen aýyrǵan derekteri tirkeldi. Bizdiń ádisteme boıynsha osy okrýgterdegi barlyq mal bastaryna ekinshi qaıtara vaktsına egý sharalary, mal qoralaryna zalasyzdandyrý jumystary júrgizildi. Arnaıy karantın jarııalanyp, barlyq mal qatań baqylaýǵa alyndy», - dedi S.Hasenov.

Komıtet tóraǵasy Premer-Mınıstrdiń tóraǵalyǵymen ótken keńeıtilgen Úkimet otyrysynda aımaqtardyń barlyq basshylaryna qysqa merzimniń ishinde sibir jarasymen aýyrǵan mal qorymdaryn qorshaý úshin qarjy bólýdi jáne áli de anyqtalmaǵan qorymdardy anyqtaý týraly tapsyrma bergenin atap ótti.

Osyǵan baılanysty S.Hasenov búgin Qaraǵandy oblysyndaǵy karantın alynyp tastalǵanyn, sol jerdegi maldar turaqty túrde baqylaýda bolatynyn atap ótti. Ázirge jańadan aýyrǵan mal baıqalmaǵan jáne anyqtalmaǵan, dep habarlaıdy Pm.kz.

 

FOTO: Daýren Mýhamedjanov © 2016 «QazAqparat»