QR Premer-Mınıstri jumyspen qamtý jáne bilim berý máseleleri jóninde keńes ótkizdi

ASTANA. QazAqparat - Búgin Úkimet úıinde QR Premer-Mınıstri Baqytjan Saǵyntaev Qazaqstannyń Úshinshi jańǵyrýyn jobalyq basqarý aıasynda osyǵan deıin atqarylǵan jumystardyń jaı-kúıi jóninde keńes ótkizdi, dep habarlaıdy QazAqparat primeminister.kz silteme jasap.

Keńes barysynda ónimdi jumyspen qamtý jáne bilim berý salasyn damytý baǵyttary boıynsha is-sharalardy oryndaý jáne ındıkatorlarǵa qol jetkizýdiń 2018 jyldyń ekinshi jarty jyldyǵyna arnalǵan josparlary jáne birinshi jarty jyldyqta atqarylǵan jumystardyń aldyn-ala qorytyndylary talqylandy.

Bilim jáne ǵylym mınıstri E. Saǵadıev eńbek resýrstaryn josparlaý jáne boljaý, jańa ekonomıka qajettiligin eskere otyryp, joǵary, tehnıkalyq jáne kásiptik bilim berý baǵdarlamalarynyń mazmunyn ózgertý, sondaı-aq bilim berý qyzmetterin yryqtandyrý jáne ınvestıtsııalar tartý, sheteldik stýdentterdi tartý boıynsha atqarylyp jatqan jumystar týraly baıandady.