QR Premer-Mınıstri Qostanaı oblysynyń birqatar ındýstrııalyq jáne aýylsharýashylyq óndiris oryndarynda bolady

QOSTANAI. 11 jeltoqsan. Qostanaı - QR Premer-Mınıstri Serik Ahmetov jumys saparymen Qostanaı oblysyna barýdy josparlaýda.

Qostanaı oblysy ákiminiń baspasóz qyzmetinen habarlanǵandaı, erteń Úkimet basshysy birqatar ındýstrııalyq óndiris oshaqtaryna barady. Birinshi kezekte ol jańadan salynyp jatqan  Sokolov-Sarybaı taý-ken baıytý birlestigin aralaıdy. Sondaı-aq Sokolov-Sarybaı taý-ken baıytý birlestiginiń basqa nysandaryna - Sarybaı karerine, JES men oqý ortalyǵyn kóredi. Rýdnyı qalasynda «Fırma «Arasan» kompanııasynyń fılıalyn aralaıdy dep kútilýde.

Qostanaı aýdanynyń Mıchýrın aýyldyq okrýginde Premer-Mınıstrge mal sharýashylyǵynyń keshenin damytý baǵdarlamasy aıasynda iri qara maldyń sanyn arttyrý boıynsha ınvestıtsııalyq jobanyń iske asyrylý tájirıbesi kórsetiletin bolady. Ol sondaı-aq aýyr sharýashylyǵy taýarlaryn óndirýshilermen kezdesedi.

Qostanaıda S. Ahmetov úı salý kesheniniń qurylys alańynda, «EýrazKaspıanStal», «Agromashholdıng» AQ jáne «SaryarqaAvtoProm» JShS ındýstrııalyq alańdarynda bolady.

Premer-Mınıstr jumys saparynyń sońynda oblys aktıvimen aýqymdy jıynnyń qorytyndysyn shyǵarady.