QR Premer-Mınıstri qazaqstandyq memlekettik qyzmetshilerdi kásibı merekesimen quttyqtady

NUR-SULTAN. QazAqparat - QR Premer-Mınıstri Asqar Mamın qazaqstandyq memlekettik qyzmetshilerdi kásibı merekesimen quttyqtady, dep habarlaıdy QazAqparat Úkimettiń resmı saıtyna silteme jasap.

«Qurmetti Qazaqstannyń memlekettik qyzmetkerleri, sizderdi kásibı merekelerińizben quttyqtaımyn!

Memlekettik organdardyń óz fýnktsııalaryn sapaly oryndaýy, halyqqa tıimdi qyzmet kórsetý, quqyq ústemdigin qamtamasyz etý, memlekettik damý baǵdarlamalaryn júzege asyrý jáne jalpy, elimizdiń ekonomıkalyq damýy, Qazaqstan halqynyń turmys sapasy men ál-aýqatynyń artýy sizderdiń kásibı eńbekterińiz ben kúsh-jigerlerińizge tikeleı baılanysty.

Barshańyzǵa zor densaýlyq, otbasylaryńyzǵa amandyq, eńbekte abyroı tileımin!»,-delingen quttyqtaýda.