QR Premer-Mınıstri kásiporyndardy tehnologııalyq jańǵyrtý máseleleri boıynsha keńes ótkizdi
«QazAtomÓnerkásip» UAK» AQ basqarma tóraǵasy Asqar Jumaǵalıev, «ERG» qadaǵalaý keńesiniń tóraǵasy Aldııar Qaztaev, «ArselorMıttal TMD» AQ bas dırektory Kalon Paramjıt, «Qazaqmys» Korporatsııasy» JShS basqarma tóraǵasy Baqtııar Qyryqpyshev, «Qazmyrysh» JShS atqarýshy dırektory Narıman Qýanyshev, «Qazfosfat» JShS bas dırektory Muqash Eskendirov, «Qaraǵandy keshendi qorytpalar zaýyty» JShS bas dırektory T. Maqaev jáne «Fıtohımııa» HǴÓH» AQ basqarma tóraǵasy S. Ádekenov kásiporyndardy jańǵyrtý týraly baıandamalarymen tanystyrdy.
Qaraǵandy oblysynyń ákimi Erlan Qoshanov óńirdiń barlyq kásiporyndaryn tehnologııalyq jańǵyrtý týraly baıandady.
Keńeske memlekettik organdardyń, Qaraǵandy oblysy ákimdiginiń ókilderi, Aqtóbe, Shyǵys Qazaqstan, Mańǵystaý, Qostanaı, Jambyl, Pavlodar oblystarynyń ákimderiniń orynbasarlary, «Samuryq-Qazyna» UÁQ» AQ, «Báıterek» UBH» AQ, «QTJ» AQ, «Atameken» UKP, Qazaqstannyń júıe qurýshy kásiporyndarynyń, sondaı-aq Qaraǵandy oblysynyń ónerkásiptik kásiporyndarynyń ókilderi qatysty.
Máselelerdi talqylaý barysynda kompanııalardyń ókilderiniń suraqtaryna QR ınvestıtsııalar jáne damý mınıstri J. Qasymbek, QR energetıka mınıstri Q. Bozymbaev, QR ulttyq ekonomıka mınıstri T. Súleımenov, sondaı-aq QR bilim jáne ǵylym mınıstri E. Saǵadıev túsiniktemeler berip ótti.
Negizinen Reseı Federatsııasynyń teńiz kólik ınfraqurylymyn Qazaqstannyń eksportshylarynyń paıdalaný múmkindigi, qosarly bilim berý júıesin jetildirý, ónerkásiptik kásiporyndar úshin qaldyqtardy kádege jaratý mólsherlemelerin ózgertý sekildi taqyryptar qozǵaldy.
Keńeste Baqytjan Saǵyntaev Úkimettiń Qazaqstannyń ónerkásiptik kásiporyndarynyń ókilderimen júıeli túrde kezdesýler men keńester ótkizip turatynyn jáne kompanııalardyń óz zaýyttarynda jańǵyrtý jumystaryn qalaı júrgizýge bolatyny týraly naqty josparlary bar ekenin atap ótýge bolatynyn aıtty.
QR Premer-Mınıstri B. Saǵyntaev ónimdilikti ulǵaıtý men taýar sapasyn jaqsartýdan bólek, jumysshylardy bosatý úderisterine de erekshe kóńil bólý qajettigin aıtty. Osyǵan oraı, ákimdikter mamandardy ekonomıkanyń ósýshi sektorlaryna keleshekte baǵyttaý úshin aldyn ala jumystar júrgizý kerek. Olardyń qatarynda servıstik qyzmetter kórsetý men qarapaıym zattar ekonomıkasyn damytý bar. Budan ózge, adamdar jańa tehnologııalar qoldanylatyn salalarǵa jumysqa ornalasqan kezde jańa daǵdylardy meńgerýi úshin qaıta oqytý jumystaryn júrgizý kerek.
Baqytjan Saǵyntaev memlekettik organdarǵa atalǵan máselelerdi baqylaýǵa alýdy tapsyrdy. Sondaı-aq, eksportqa qatysty birqatar máseleler alda ótetin Eýrazııalyq úkimetaralyq keńes otyrysy barysynda talqylanatyn bolady.