QR Premer-Mınıstri «Baký-2015» birinshi Eýropalyq oıyndarynyń ashylý rásimine qatysady
17:55, 11 Maýsym 2015
BAKÝ. QazAqparat - Premer-Mınıstr Kárim Másimov basqarǵan Qazaqstan delegatsııasy erteń «Baký-2015» birinshi Eýropalyq oıyndarynyń ashylý rásimine qatysý úshin Baký qalasyna keledi.
Delegatsııanyń quramynda Qazaqstannyń Mádenıet jáne sport mınıstri Arystanbek Muhamedıuly bolady.
Aıta keteıik, 2015 jyly Ázerbaıjan astanasy Baký qalasynda birinshi Eýropalyq oıyndar ótkizý týraly sheshim 2012 jyldyń jeltoqsan aıynda Rım qalasynda qabyldanǵan bolatyn. Oıyndardy Eýropalyq Olımpıada komıtetteri - qazirgi kezde Eýropanyń 50 ulttyq Olımpıada komıtetin biriktirip otyrǵan, shtab-páteri Lozannada ornalasqan uıym ótkizedi. Onyń ashylý rásimi 2015 jyldyń 12 maýsymynda, al jabylýy - 2015 jyldyń 28 maýsymynda bolady dep josparlanǵan.