QR PІB Medortalyǵynyń dárigerleri Pavlodarda 13 kúrdeli operatsııa jasady

<p><strong>PAVLODAR. KAZINFORM &ndash; Osy aptada QR PІB Medıtsınalyq ortalyǵynyń Pavlodar oblysyndaǵy kúnderi ótti. Aı saıyn elimizdiń ár aımaǵyn qamtıtyn dástúrli is-shara aıasynda Medortalyq aýrýhanasy men Ulttyq gospıtaldiń pýlmonolog, epıleptolog, nevropatolog, endokrınolog, allergolog, kardıolog jáne basqa da mamandary 13 operatsııa jasap, 140-tan astam konsýltatsııalyq kómek kórsetti.</strong>&nbsp;</p>

Dárigerlerdiń kómegine júgingen naýqastardyń kóbiniń dıagnozy aýyr bolǵanyn, operatsııalar sátti ótkenin atap ótken jón. Budan bólek, elordalyq jáne almatylyq mamandar ózekti taqyryptar boıynsha 25 prezentatsııa jasap, oǵan 500-den astam adam qatysty.

Sanıtarııalyq-epıdemıologııalyq saraptama ortalyǵynyń mamandary pavlodarlyq áriptesterine óz salalaryna qatysty sheberlik sabaqtaryn ótkizdi. «Oqjetpes» emdeý-saýyqtyrý kesheniniń qyzmetkerleri shıpajaılardyń jumysy týraly baıandap, sanatorlyq-kýrorttyq emdeý salasyndaǵy tájirıbelerimen bólisti.

Foto: QR PІB Medıtsınalyq ortalyǵy

Іssapar aıasynda Medıtsınalyq ortalyq pen Pavlodar oblysynyń ákimdigi arasynda Yntymaqtastyq týraly memorandýmǵa qol qoıyldy. 

QR PІB Medıtsınalyq ortalyǵynyń óńirlerdegi kúnderi álemdik standarttarǵa saı ozyq tehnologııalardy aımaqtarǵa transfertteýge, oblystaǵy medıtsınalyq jáne basqa da mekemelermen arada baılanysty nyǵaıtyp, ózara tájirıbe almasýǵa, jergilikti mamandardyń biliktiligin arttyrýǵa baǵyttalǵan.

Bıylǵy jyldyń basynan Qaraǵandy jáne Pavlodar oblystaryna barǵan Medortalyq mamandary jyl sońyna deıin elimizdiń barlyq óńirin aralap shyǵýǵa tıis.