QR Parlamenti EAEO-nyń Iranmen saýdasy boıynsha qujatty qaraýda
«Atalǵan kelisimdi Eýrazııalyq ekonomıkalyq komıssııa EAEO-ǵa múshe memlekettermen jáne Iranmen birlesip ázirledi. Osy kelisim Iranmen turaqty jaǵdaılar jáne saýda qaǵıdalaryn jasaýǵa baǵyttalǵan. Sonymen qatar saýda rásimderin jeńildetýge arnalǵan saýdadaǵy sanıtarlyq, fıtosanıtarlyq sharalar men tehnıkalyq kedergilerdi, kedendik rásimderdi, taýarlardyń shyqqan elin aıqyndap, tártibin qoldanýdy retteıdi. Komıtet osy zań jobasyn jumysqa alýǵa jáne ol boıynsha 2019 jyldyń 20 qarashasyna deıin qorytyndy ázirleýge daıyn», - dedi Májilistiń Ekonomıkalyq reforma jáne óńirlik damý komıtetiniń tóraǵasy Nurtaı Sabılıanov palatanyń jalpy otyrysynda.
Budan bólek, Komıtet «Bir taraptan Eýrazııalyq ekonomıkalyq odaq pen oǵan múshe memleketter jáne ekinshi taraptan Qytaı Halyq Respýblıkasy arasyndaǵy saýda-ekonomıkalyq yntymaqtastyq týraly kelisimdi ratıfıkatsııalaý týraly» zań jobasy aıasynda jumysty bastady.
«Bul kelisimdi Eýrazııalyq ekonomıkalyq komıssııa EAEO-ǵa múshe memlekettermen jáne Qytaımen birlesip ázirledi. Kelisimde saýdany retteý jáne yntymaqtastyq salalarynyń keń aýqymy qamtylǵan. Onyń ishinde ishki naryqty qorǵaý sharalary, saýdadaǵy tehnıkalyq kedergiler, sanıtarlyq ári fıtosanıtarlyq sharalar, kedendik yntymaqtastyq, zııatkerlik menshik, básekelestik eskerilgen. Osy zań jobasyn Komıtet jumysqa alýǵa jáne ol boıynsha 2019 jyldyń 20 qarashasyna deıin qorytyndy ázirleýge daıyn», - dedi N. Sabılıanov.