QR OSK saılaýaldy úgit-nasıhat jumystarynda tyıym salynatyn jaıttardy jarııa etti

ASTANA. QazAqparat - Birqatar memlekettik organ qyzmetkerlerine saılaýaldy úgit-nasıhat jumystaryn júrgizýge tyıym salynady. Bul týraly búgin QR Ortalyq saılaý komıssııasynda ótken brıfıngte komıssııa hatshysy Baqyt Meldeshev málim etti.

«Kandıdattardyń senimdi ókili bola turyp, óziniń qyzmetin paıdalanyp, qaramaǵynda jumys isteıtin azamattardy úgit jumysyna tartýǵa tyıym salynady. Úgit jumysy aldynda saılaýshylarmen kezdesý barysynda tegin taýarlar taratyp, lotoreıalar oınatýǵa da bolmaıdy», - dedi QR OSK hatshysy.

Sonymen qatar onyń sózine qaraǵanda, úgit jumysyn júrgizgen kezde kandıdattar óziniń úgit plakattarynda elimizge esimi belgili azamattardyń sýretin onyń kelisimimen jarııa etýi tıis. Kelisimi bolmaǵan jaǵdaıda mundaı plakattardyń ilinýine tyıym salynady.

«Plakatty jasaǵan kezde onyń tómen jaǵynda qandaı qarajatqa bastyrylyp, qandaı baspadan shyǵarylǵany kórsetilýi qajet. Munan bólek, saılaý kúninde saılaý ýchaskesiniń ishinde áleýmettik saýalnama júrgizýge bolmaıdy», - dedi B.Meldeshev.