QR OSK saılaýaldy úgit-nasıhat jumystaryn júrgizýge tyıym salynatyn memlekettik qyzmetshilerdi atady

ASTANA. QazAqparat - Birqatar memlekettik organ qyzmetkerlerine saılaýaldy úgit-nasıhat jumystaryn júrgizýge tyıym salynady. Bul týraly búgin QR Ortalyq saılaý komıssııasynda ótken brıfıngte komıssııa hatshysy Baqyt Meldeshev málim etti.

«Elimizdiń saılaý týraly zańnamasyna sáıkes úgit jumysyn júrgizýge memlekettik organdarǵa tyıym salynady. Laýazymdy qyzmette otyrǵan azamattar da óz qyzmetin paıdalanyp, úgit júrgizbeýi tıis. Sonymen qatar áskerı qyzmetshilerge, UQK, sot, prokýratýra, Іshki ister mınıstrliginiń qyzmetkerlerine, OSK múshelerine úgit jumystaryn júrgizýge bolmaıdy», - dedi B.Meldeshev.

QR OSK hatshysynyń sózine qaraǵanda, shet memlekettiń azamattaryna da úgit jumystaryna aralasýǵa tyıym salynǵan. Jalpy, úgit-nasıhat jumystary buqaralyq aqparat quraldary, kandıdattyń senimdi ókilderiniń halyqpen kezdesýi arqyly júrgiziledi.

«Bul rette, buqaralyq aqparat quraldaldaryna da úgit jumystaryn júrgizýge tyıym salynady. Eger BAQ ókili úgit jumysyn júrgizgisi kelse, onda jumysynan ýaqytsha ketýi qajet. ıAǵnı, bir aıǵa eńbek demalysyna shyǵyp, kandıdattyń senimdi ókili retinde úgit júrgize alady», - dedi ol.