QR OSK máslıhat depýtattarynyń keýdege taǵatyn belgileriniń úlgisin bekitti
15:36, 15 Naýryz 2016
ASTANA. QazAqparat - Búgin QR Ortalyq saılaý komıssııasy «Qazaqstan Respýblıkasy máslıhattary depýtattarynyń keýdege taǵatyn belgileriniń úlgilerin bekitý týraly» qaýly qabyldady.
«Qazaqstan Respýblıkasyndaǵy saılaý týraly» Qazaqstan Respýblıkasynyń 1995 jylǵy 28 qyrkúıektegi Konstıtýtsııalyq zańynyń 46-babyna sáıkes Qazaqstan Respýblıkasy Ortalyq saılaý komıssııasy Qazaqstan Respýblıkasy oblystyq máslıhaty depýtatynyń keýdege taǵatyn belgisiniń úlgisin, Qazaqstan Respýblıkasy qalalyq máslıhaty depýtatynyń keýdege taǵatyn belgisiniń úlgisin jáne Qazaqstan Respýblıkasy aýdandyq máslıhaty depýtatynyń keýdege taǵatyn belgisiniń úlgisin belgiledi», - delingen komıssııa taratqan aqparatta.