QR OSK: Máslıhat depýtattary saılaýyna saılaý bıýlletenderin ázirleıtin naqty baspahanalar anyqtaldy
15:19, 04 Aqpan 2016
ASTANA. QazAqparat - Búgin QR Ortalyq saılaý komıssııasynyń otyrysynda 20 naýryzǵa belgilengen barlyq deńgeıdegi máslıhat depýtattary saılaýynda saılaý bıýlletenderin ázirleıtin naqty baspahanalar anyqtaldy.
«2016 jyldyń 20 naýryzyna taǵaıyndalǵan QR máslıhat depýtattarynyń kezekti saılaýy boıynsha daýys berýge arnalǵan saılaý bıýletenderin daıyndaý jónindegi baspahanalardy aıqyndaý týraly qaýly jobasyn usynyp otyrmyn. Qaýly boıynsha ár oblys, sonymen qatar Astana jáne Almaty qalalary úshin qajetti tehnıkalyq jáne uıymdastyrýshylyq múkindikter bar, sonymen qatar QR máslıhat depýtattaryn saılaýda saılaý bıýlletenderin ázirleıtin naqty baspahanalar anyqtaldy», - dedi qaýly jobasyn tanystyrǵan QR OSK hatshysy Baqyt Meldeshov.
Osydan keıin QR Ortalyq saılaý komıssııasy músheleri sáıkesinshe qaýlyny biraýyzdan qabyldady.