QR OSK M.Telibekovti prezıdenttikke úmitker retinde tirkeýden bas tartty

ASTANA. QazAqparat - Búgin QR Ortalyq saılaý komıssııasynyń otyrysy ótip, onda Murat Telibekovti QR Prezıdenttigine úmitker retinde tirkeýden bas tartý týraly qaýly jobasy qaraldy.

«Sizderdiń nazarlaryńyzǵa Murat Aıtjanuly Telibekovti QR Prezıdenttigine kandıdat retinde tirkeýden bas tartý týraly qaýly jobasyn usynamyn. Murat Aıtjanuly Telibekov týǵanynan Qazaqstan Respýblıkasynyń azamaty. 1958 jyly týǵan. Búgin, 16 naýryz kúni M.Telibekov memlekettik tildi erkin meńgergendigin anyqtaý jónindegi emtıhannan bas tartty», - dedi ol.

Onyń atap ótýinshe, úmitker memlekettik tildi óziniń qalaýy boıynsha tapsyrýdy talap etken.

«Lıngvıstıkalyq komıssııanyń tóraǵasy emtıhan tártibin birneshe márte tııanaqty túsindirdi. Soǵan qarmastan emtıhanǵa óziniń senimdi ókilderiniń qatysýyn jáne emtıhan talabyn óz qalaýynsha tapsyrǵysy keletin aıtyp, óz talabyn qoıdy», - dedi L.Súleımen.

Sonymen qatar, L.Súleımen M.Telibekovti memlekettik tildi erkin meńgergendigin anyqtaý emtıhanynan bas tartqany úshin QR Prezıdenttigine úmitker retinde tirkeýden bas tartý týraly usynys jasady, ony komıssııa músheleri biraýyzdan qoldady.