QR OSK lıngvıstıkalyq komıssııa emtıhanyna kelmegen 4 úmitkerdi QR Prezıdenttigine kandıdat retinde tirkeýden bas tartty

ASTANA. QazAqparat - Búgin QR Ortalyq saılaý komıssııasynyń otyrysy ótip, onda birqatar azamatty QR Prezıdenttigine kandıdat retinde tirkeýden bas tartý týraly qaýly qabyldandy. Atalǵan qaýlyny QR Ortalyq saılaý komıssııasynyń hatshysy Baqyt Meldeshev jarııa etti.

«Sizderdiń nazarlaryńyzǵa ıAkobjan Júnisbekovti Qazaqstan Respýblıkasynyń Pezıdenttigine kandıdat retinde tirkeýden bas tartý týraly qaýly jobasyn usynyp otyrmyz. Qaýly boıynsha QR Prezıdenttigine kandıdat ıA.Júnisbekovtiń lıngvıstıkalyq komıssııanyń otyrysyna kelmeýine baılanysty onyń memlekettik tildi erkin meńgerýi anyqtalmady. Sol sebebti ıA.Júnisbekovti QR Prezıdenttigine kandıdat retinde tirkeýden bas tartylsyn», - dedi B.Meldeshev.

Sonymen qatar, ol lıngvıstıkalyq komıssııa emtıhanyna kelmegen Qaırat Álembaıuly Maıshevti, Aıgúl Dúısenqyzy Ótepovany jáne Amantaı Hantemiruly Asylbekti prezıdenttikke kandıdat retinde tirkeýden bas tartý týraly qaýly jobasyn komıssııa múshelerine jarııa etti.

QR OSK músheleri qaýly jobasyn biraýyzdan maquldady.