QR OSK Qazaqstan halqy Assambleıasy usynǵan Májilis depýtattyǵyna 9 kandıdatty tirkedi
Bul týraly búgin QR Ortalyq saılaý komıssııasynyń hatshysy Baqyt Meldeshov málim etti.
Kandıdattardyń sapalyq quramy mynadaı. Er kandıdattar - 7 nemese 77,8, áıelder - 2 nemese 22,2 paıyz. Barlyq 9 kandıdattyń da bilimi joǵary. Kandıdattar arasynda úsh dıplomdy ınjener, 1 dáriger, 1 zańger, 1 oqytýshy, taǵy úsheýi - basqa mamandyq ıeleri. Qazaqstan halqy Assambleıasynan Parlament Májilisiniń depýtattyǵyna tirkelgen kandıdattardyń tórteýi ǵylym, mádenıet jáne bilim qyzmetkerleri bolsa, úsheýi - V shaqyrylǵan Parlament Májilisiniń depýtattary. Bir qyzmetker - memlekettik emes menshik nysanyndaǵy uıymnyń qyzmetkeri jáne bireýi ortalyq memlekettik organda jumys isteıdi», - dedi ol.
QR OSK hatshysynyń atap ótýinshe, Qazaqstan halqy Assambleıasynan Parlament Májilisiniń depýtattyǵyna kandıdattardyń ortasha jasy 57,5 jasty quraıdy.
«Erteńgi kúnnen bastap Qazaqstan halqy Assambleıasynan tirkelgen kandıdattar úshin saılaý naýqanynyń kelesi kezeńi - saılaý aldyndaǵy úgit bastalyp, 19 naýryz kúngi 24.00 saǵatta aıaqtalady», - dedi B.Meldeshov.
Aıta keteıik, 2016 jylǵy 21 naýryzda Qazaqstan halqy Assambleıasynyń sessııasynda 9 Májilis depýtatyn saılaý ótedi