QR OSK Elbasy Jarlyǵymen taǵaıyndalǵan Senat depýtattaryn tirkedi

ASTANA. 28 tamyz. QazAqparat - Búgin elimizdiń Ortalyq saılaý komıssııasy Elbasy Nursultan Nazarbaevtyń Jarlyǵymen taǵaıyndalǵan QR Parlament Senatynyń depýtattaryn tirkedi.

Osyǵan oraı ótkizilgen otyrysta OSK múshesi Baqyt Meldeshevtiń atap ótýinshe, «QR Parlamenti jáne onyń depýtattarynyń mártebesi týraly Qazaqstan Respýblıkasynyń konstıtýtsııalyq zańynyń 24 baby, 1 tarmaǵyna sáıkes jáne «QR Parlamenti Senatynyń depýtattaryn taǵaıyndaý týraly QR Prezıdentiniń 2013 jylǵy 26 tamyzdaǵy №622 Jarlyǵynyń negizinde Qazaqstan Respýblıkasy Senatynyń depýtattary retinde Birǵanym. Áıtimovany, Asqar Beısenbaevty, Sergeı Gromovty, Lázzat Qıynovty, Georgıı Kımdi, Dýlat Qusdáýletovti, Serik Nógerbekovti jáne Nurlan Orazalındi tirkeý týraly qaýly qabyldady.

Sondaı-aq, otyrys barysynda OSK tóraǵasy Q. Turǵanqulov tirkelgen QR Parlament depýtattaryna kýálikter men arnaıy tósbelgiler tabys etti.