QR OSK: Daýys berý quqyǵyn beretin esepten shyǵarý kýálikterin berý jáne esepke alý qaǵıdalaryna ózgerister engizildi (FOTO)
15:32, 04 Aqpan 2016
ASTANA. QazAqparat - Búgin QR Ortalyq saılaý komıssııasynyń otyrysynda daýys berý quqyǵyn beretin esepten shyǵarý kýálikterin berý jáne esepke alý qaǵıdalaryna ózgerister engizildi.
Sáıkesinshe qaýly jobasyn tanystyrǵan QR OSK hatshysy Baqyt Meldeshov QR Ortalyq saılaý komıssııasynyń 2009 jylǵy 8 aqpandaǵy №161/306 qaýlysymen bekitilgen daýys berý quqyǵyn beretin esepten shyǵarý kýálikterin berý jáne esepke alý qaǵıdalaryna birqatar ózgerister engizilgenin atap ótti.
«Atap aıtqanda, qaǵıdalardan 7-tarmaq alynyp tastaldy. Al 8-tarmaq jańa redaktsııada jazyldy. Oǵan sáıkes esepten shyǵarý kýáligi bir eldi mekenniń shegindegi basqa saılaý okrýginde nemese basqa saılaý ýchaskesinde daýys berýge qatysqysy keletin saılaýshylarǵa berilmeıdi», - dedi B.Meldeshov.
Osydan keıin QR Ortalyq saılaý komıssııasy músheleri sáıkesinshe qaýlyny biraýyzdan qabyldady.