QR OSK BAQ-tardaǵy saılaý naýqanyna baılanysty júrgizilgen monıtorıng nátıjesin jarııalady
Onyń sózine qaraǵanda, QR Ortalyq saılaý komıssııasynyń tapsyrysy boıynsha júrgizilgen monıtorıng 53 respýblıkalyq baspa basylymyn, 16 respýblıkalyq telearnany, 179 óńirlik baspa basylymyn, 29 óńirlik telearnany, sondaı-aq 7 aqparat agenttigi men 117 neǵurlym tanymal qoǵamdyq-saıası ınternet-resýrsty qamtyǵan. Áleýmettik jelilerde monıtorıng 200-den astam qoǵamdastyq pen qoǵamdyq pikir jetekshileriniń 250 betin, Youtube beıneportalyndaǵy 30 paıdalanýshy arnalardy, Twitter-degi ózekti heshtegter taspasyndaǵy jańartýlardy qamtyp otyr.
26 naýryzdan 16 sáýirge deıingi kezeńde respýblıkalyq jáne óńirlik BAQ-tarda saılaý taqyryby jóninde 15662 materıal jarııalandy. Kandıdattar men olardyń shtabtarynyń saılaýaldy belsendiligi dárejesi ár túrli ekenin atap ótken jón. Mysaly, úgit bastalǵannan kandıdat N.Nazarbaevtyń - 48, Á.Qusaıynovtyń - 20, T. Syzdyqovtyń shtaby 18 aqparattyq kezdesý ótkizdi. Kandıdattar Á.Qusaıynov pen T.Syzdyqovtyń saılaýaldy shtabtarynyń jarııa etý úshin aqparattyq sebepteri eki ese kem bolǵanyna qaramastan BAQ-tarǵa olar keńinen usynylǵan», - dedi ol.
L.Súleımenniń atap ótýinshe, respýblıkalyq baspa basylymdarynda kandıdat Á.Qusaıynovtyń qyzmeti týraly materıaldar -31, N.Nazarbaev týraly - 36 jáne T.Syzdyqov týraly 33 paıyzdy qurady. Uqsas kórinis tele jáne radıoarnalarda shyqqan sıýjetterde de baıqalady.
«Respýblıkalyq radıoarnalarda Prezıdenttikke kandıdattar týraly barlyq materıaldardyń 32 paıyzy kandıdat Á. Qusaıynovtyń, 36 paıyzy N.Nazarbaevtyń jáne 32 paıyzy T.Syzdyqovtyń qyzmetin kórsetti. Respýblıkalyq telearnalarda Á.Qusaıynov týraly sıýjetter bóligi -34, N. Nazarbaev týraly 32 jáne T.Syzdyqov týraly 34 paıyzdy qurap otyr», - dedi OSK múshesi.