QR OSK B.Estemesovti prezıdenttikke úmitker retinde tirkeýden bas tartty
10:20, 13 Naýryz 2015
ASTANA. QazAqparat - Búgin QR Ortalyq saılaý komıssııasynyń otyrysy ótip, onda Baqtııar Estemesovti QR Prezıdenttigine úmitker retinde tirkeýden bas tartý týraly qaýly jobasy qaraldy.
«Baqtııar Óksikbaıuly Estemesov týmysynan Qazaqstan Respýblıkasynyń azamaty. 1972 jyly týǵan. 12 naýryzdaǵy QR Prezıdenttigine úmitkerdiń memlekettik tildi erkin meńgergendigin anyqtaý jónindegi lıngvıstıkalyq komıssııanyń 13-shi qorytyndysynyń negizinde Baqtııar Óksikbaıuly Estemesov memlekettik tildi erkin meńgermegen. Osynyń negizinde Baqtııar Óksikbaıuly Estemesov QR Konstıtýtsııasyna jáne «Saılaý týraly» Zańynyń talaptaryna sáıkes emes dep belgilensin. Baqtııar Óksikbaıuly Estemesovti QR Prezıdenttigine úmitker retinde tirkeýden bas tartylsyn degen usynys engizemin», - dedi QR OSK múshesi Lázzat Súleımen.
QR OSK músheleri bul usynysty biraýyzdan qoldady.