QR OSK Ázerbaıjandaǵy saılaýǵa 49 baqylaýshy jibermek
Búgin QR Ortalyq saılaý komıssııasy Ázerbaıjandaǵy saılaýǵa jiberiletin baıqaýshylar tizimin bekitýge qatysty otyrys ótkizip, onda elimizden 49 ókil baqylaýshylar tizimine endi.
Olardyń ishinde Ázerbaıjan Respýblıkasy Ortalyq saılaý komıssııasynyń shaqyrtýymen 2 adam saılaýǵa baqylaýshy retinde qatysady.
TMD baqylaýshylar mıssııasynan 35 baqylaýshy:
- QR Ortalyq saılaý komıssııasynan - 1;
- QR Prezıdenti ákimshiliginen - 2;
- aýmaqtyq saılaý komıssııalarynan - 2;
- jergilikti atqarýshy organdarynan - 16;
- máslıhattardan - 6;
- saıası partııalardan - 5;
- BAQ jáne kommertsııalyq uıymdardan - 3.
Sondaı-aq, bul quramǵa Qazaqstannyń aımaqtarynan 28 ókil kirdi:
- Mańǵystaý oblysynan - 10 kandıdatýra;
- Qaraǵandy oblysynan - 3 kandıdatýra;
- Atyraý oblasynan jáne Astanadan 2 kandıdatýradan;
- Aqmola, Almaty, Shyǵys Qazaqstan, Jambyl, Batys Qazaqstan, Qostanaı, Qyzylorda, Pavlodar, Soltústik Qazaqstan, Ońtústik Qazaqstan oblystary jáne Almaty qalasynan - 1 kandıdatýradan bar.
Túrik keńesi baqylaýshylar mıssııasy quramyna 2 adam jáne EQYU/DIAQB quramyna Qazaqstan Respýblıkasynyń mınıstrlikteri men vedomstvalarynan 10 adam endi.
QR OSK-dan saılaýǵa baqylaýshy retinde barlyǵy 6 ókil qatysady. Olardyń arasynda QR OSK tóraǵasy B.M.Imashev pen apparattyń 5 qyzmetkeri bar.
Ázerbaıjan Respýblıkasyndaǵy prezıdent saılaýyna parlament baǵyty boıynsha Qazaqstan Respýblıkasy Parlamentinen 3 ókil, Túrkitildes memleketterdiń Parlamenttik Assambleıasynyń mıssııasy quramynan (1 adam), TMD Parlamentaralyq assambleıasynan (1 adam), Ázerbaıjan Respýblıkasy Mıllı Medjlısiniń shaqyrýymen (1 adam) baqylaýshy retinde qatysady.
Atap ótsek, shetelderdiń saılaýyna qatysatyn Qazaqstan Respýblıkasynan jiberiletin baqylaýshylar tizimi alǵash ret QR OSK-nyń qaýlysymen bekitildi jáne budan bylaı baqylaýshylardy bekitý protsedýrasy turaqty túrde ótkiziledi.