QR OSK: 3 adam lıngvıstıkalyq emtıhanǵa kelmese, bireýi ótinishin qaıtaryp aldy
«El prezıdenti 18 jasqa tolǵan Qazaqstan Respýblıkasynyń azamattarymen saılanady. Saılaý naýqanynda 10 myńǵa tarta saılaý komıssııalary jumys isteıdi. Bular: Ortalyq saılaý komıssııasy, aýmaqtyq saılaý komıssııalary jáne ýchaskelik saılaý komıssııalary», - dedi ol.
Onyń atap ótýinshe, 26 aqpannan búgingi kúnge deıin prezıdenttikke kandıdattardy usyný júrgizildi. Kandıdattardy saıası partııalar usyna alady jáne azamattardyń ózin-ózi usynýǵa múmkindigi bar. Osy sátke deıin 26 azamat prezıdenttikke kandıdat retinde usynyldy. Olardyń ekeýin saıası partııalar usynsa, 24-i ózin-ózi usynyp otyr.
«Osy 26 adamnyń ishinde 10 adamǵa prezıdenttikke kandıdat retinde tirkeýden bas tartyldy. Olardyń ishinde 2 adam jasy 40-qa tolmaýyna jáne 8 adam lıngvıstıkalyq komıssııa synynan óte almaýyna baılanysty tirkelmedi. Úsh úmitker lıngvıstıkalyq komıssııanyń emtıhanyna keledi jáne bir adam óziniń ótinishin qaıtyp aldy. 5 úmitker lıngvıstıkalyq komıssııadan, basqa da tekserýlerden ótip, QR Konstıtýtsııasy men «Saılaý týraly» zańyna sáıkes dep tanyldy. Olarǵa qol qoıý paraqtary berildi», - dedi L.Súleımen. Onyń atap ótýinshe, «Turan-Astana» ýnıversıtetiniń oqytýshysy Qursabaev Muhamedrahım Qadyrbaıuly ótinishin qaıtaryp alsa, al ıAkobjan Júnisbekov, Qaırat Maıshev jáne Aıgúl Ótepova Ortalyq saılaý komıssııasynyń shaqyrtýlaryna qaramastan lıngvıstıkalyq komıssııa synaǵyna kelmegen.