QR OSK 103 sheteldik baıqaýshyny akkredıttedi
«Atalǵan qaýlyǵa sáıkes Ortsaılaýkom Qazaqstan Respýblıkasy Syrtqy ister mınıstrliginiń usynýy boıynsha úsh halyqaralyq uıymnan jáne bir shet memleketten 103 baıqaýshyny akkredıtteıdi», - dedi qaýly jobasyn tanystyrǵan QR OSK múshesi Tatıana Ohlopkova.
Olardyń úsheýi - Amerıka Qurama Shtattarynan; 97-si - TMD-dan baıqaýshylar mıssııasynan (onyń ishinde 33-si - TMD-ǵa qatysýshy memleketterdiń Parlamentaralyq Assambleıasynan jáne 7-eýi Belarýs jáne Reseı odaǵynyń parlamenttik jınalysynan), 3-eýi - Islam yntymaqtastyǵy uıymynan tirkelip otyr.
Osylaısha, 2016 jylǵy 25 aqpandaǵy jaǵdaı boıynsha Ortalyq saılaý komıssııasy EQYU/DIAQB jáne TMD mıssııalarynan, sonymen birge Islam yntymaqtastyǵy uıymy men shet memleketterden 155 baıqaýshyny akkredıttedi. Munan bólek, QR Syrtqy ister mınıstrligi 2016 jylǵy 25 aqpandaǵy jaǵdaı boıynsha 25 memleketten sheteldik buqaralyq aqparat quraldarynyń 105 ókilin akkredıttegen bolatyn.
Aıta keterligi, shet memleketter men halyqaralyq uıymdardyń baıqaýshylaryn akkredıtteýdi Ortalyq saılaý komıssııasy 2016 jylǵy 14 naýryzǵa deıin júzege asyrady.