QR Ortalyq saılaý komıssııasyna jeke jáne zańdy tulǵalardyń 44 ótinishi kelip tústi
QR OSK tóraǵasy orynbasarynyń atap ótýinshe, 2016 jylǵy 20 qańtardan bastap 22 aqpanǵa deıingi kezeńde Ortsaılaýkomǵa jeke jáne zańdy tulǵalardyń 44 ótinishi kelip túsken.
«Olardyń 19-y Qazaqstan Respýblıkasy Parlamenti Májilisiniń depýtattaryn saılaý jónindegi saılaý naýqanymen baılanysty (4-eýi qoǵamdyq birlestikterden, 11-i jeke tulǵalardan, 3-eýi BAQ-tan, 1-eýi oblystyq saılaý komıssııasynan) boldy. Sonyń ishinde 10 ótinish saılaý zańnamasynyń jekelegen normalaryn túsindirý máseleleri boıynsha, taǵy 9-y Parlament Májilisiniń depýtattyǵyna kandıdattardy usynýǵa, partııalyq tizimderge engizilgen kandıdattarǵa baılanysty saılaý rásimderine qatysty», - dedi ol.
V.Foostyń atap ótýinshe, OSK-ge kelip túsken 25 ótinish Qazaqstan Respýblıkasy máslıhattarynyń depýtattaryn saılaý jónindegi saılaý naýqanyna baılanysty. Olardyń ishinde 17-si saılaý zańnamasyn túsindirý máseleleri boıynsha, qalǵandary rásimdik sátterge, saılaý komıssııalarynyń jumysyna, kandıdattar týraly aqparatqa qatysty boldy.
«Ótinish ıelerine ýaqtyly jaýap qaıtaryldy. Toǵyz ótinish tıisti organdarǵa qaraý úshin jiberildi», - dedi QR OSK tóraǵasynyń orynbasary.