QR Óńirlik damý mınıstrligi 2020 jylǵa qaraı memlekettik emes saraptama uıymdaryna jobalardyń 90 paıyzyn berýdi josparlap otyr

ASTANA. 5 qarasha. QazAqparat - QR Óńirlik damý mınıstrligi saraptama qyzmetin reformalaý jáne bıýdjettik qarajat esebinen salynyp jatqan obektilerdiń jobalaý-smetalyq qujattamalaryn ázirleýdiń sapasy (JSQ) jóninde jumystardy júrgizýde. Barlyq qabyldanǵan sharalar jyljymaıtyn múlik obektilerin jobalaý salasyndaǵy saraptama qyzmetinde básekelestik ortany damytýǵa múmkindik beredi.

«Sonymen, 2015 jylǵa qaraı memlekettik emes saraptama uıymdarynyń qaraýyna qurylys salasyndaǵy jobalardyń shamamen 50%-yn, al 2020 jylǵa qaraı - 90% deıin berý josparlanyp otyr. Memlekettik saraptamanyń qaramaǵynda 2020 jylǵa qaraı birinshi jaýapkershilik deńgeıindegi tehnıkalyq jaǵynan kúrdeli jobalardyń jáne biregeı nysandardyń saraptamasy ǵana qalady», - delingen QR Óńirlik damý mınıstrligi baspasóz qyzmetiniń málimetinde. Sonymen qatar, mınıstrlik qurylys nysandaryn jobalaý boıynsha saraptama qyzmetin reformalaý jónindegi Zań jobasyn ázirledi jáne múddeli memlekettik organdarmen. sondaı-aq uıymdarmen kelisilýge baǵyttaldy. Jobany Úkimetke engizý merzimi - 2014 jylǵy aqpanǵa, Parlamentke engizý merzimi - 2014 jylǵy sáýirge belgilenip otyr. JSQ qaraý kezinde jol berilgen barlyq buzýshylyq faktileri boıynsha mınıstrlikte qyzmettik tekserýler júrgizilip jatyr. Qazirgi ýaqytta «Memsaraptama» RMK-niń bas dırektoryna qatań sógis jarııalandy. Sonymen qatar, «Memsaraptama» RMK bas dırektorynyń eki orynbasaryn jáne basqarmalary men bólimderiniń jaýapty qyzmetkerlerin jumystan bosatý týraly sheshim qabyldandy.