QR Ombýdsmeni «balalar ınterneti» qyzmetin engizýdi usyndy

ASTANA. QazAqparat - QR Adam quqyqtary jónindegi ýákil Asqar Shákirov balalar quqyǵyn qorǵaý salasyndaǵy ózekti máseleler boıynsha óz usynystaryn bildirip, QR Premer-mınıstri Baqytjan Saǵyntaevqa úndeý joldady. Bul týraly «QazAqparat» HAA tilshisi Ombýdsmenniń baspasóz qyzmetine silteme jasap habarlady.

Úndeýde kórsetilgen máselelerdiń biri jaǵymsyz aqparattyq ortanyń yqpalynan balalardy qorǵaýǵa baılanysty. Atap aıtqanda, ombýdsmen ǵalamtorǵa keńinen taralǵan kámelettik jasqa tolmaǵandardy sýıtsıdke shaqyratyn oıyndarǵa degen qoǵam alańdaýshylyǵyn atap ótti. Ol máseleniń áldeqaıda aýqymdy ekenin jáne ony sheshýde tereń saraptamany, júıeli kózqarastyń qajet ekenin aıtty.

Atalǵan baǵytta Úkimet qabyldaǵan sharalar sózsiz, zamanaýı ári tıimdi, alaıda olar ol sharalar aıaqtalǵan soń, másele túbegeıli sheshilmeı qala beredi. Osyǵan baılanysty, ınternet qarym-qatynastary salasyn zańnamalyq turǵyda jetildirý usynyldy.

Hat avtory balalardy zııandy aqparattan qorǵaý sharalarynyń zańnamalyq turǵyda nyǵaıtýdyń jalpy qabyldanǵan halyqaralyq standarttarǵa saı rettelgenine basa nazar aýdarady. 2007 jyly balalar quqyǵy jónindegi BUU komıteti óziniń  qorytyndy eskertpesinde Qazaqstanǵa buqaralyq aqparat quraldaryna balalardyń psıhıkalyq, emotsııalyq, áleýmettik damýyna keri áser etetin materıaldardy jarııalaýǵa, kórsetýge ruqsat bermeıtin normatıvtik aktilerdi qabyldaýdy tezdetýdi usyndy. 

Úndeýde Qazaqstannyń jáne ózge memleketterdiń quqyqtyq bazasyn zerdeleýge negizdelgen birqatar naqty usynystar bar. Osylaısha, ınternet-kontentti jas boıynsha jikteý jáne kontent qoldanýshysynyń mindetti tirkeý júıesi bolmaǵan jaǵdaıda provaıder men quqyq ıelerin jaýapkershilikke tartý múmkindigin qarastyrý usynyldy.