QR MSM janynan Bilim, ǵylym jáne halyqaralyq baılanys departamenti quryldy

ASTANA. QazAqparat - QR Mádenıet jáne sport mınıstrligi janynan Bilim, ǵylym jáne halyqaralyq baılanys departamenti quryldy. Bul týraly búgin atalǵan vedomstvonyń basshysy Arystanbek Muhamedıuly málim etti.

«Taıaý aralyqta atqarýshy bılikpen aradaǵy qyzmet bólinetin bolady jáne 1 qańtardan bastap biz barlyq shyǵarmashylyq oqý oryndary, shyǵarmashylyq kolledjder jáne Baıseıitova men Jubanov atyndaǵy mektepter Mádenıet jáne sport mınıstrliginiń qaraýyna beriledi dep kútýdemiz», - dedi ol mınıstrliktiń keńeıtilgen alqa májilisinde.

A.Muhamedıulynyń sózine qaraǵanda, bul álemdik tájirıbe. «Barlyq shyǵarmashylyq joǵary oqý oryndary tikeleı shyǵarmashylyq atqarýshy organdardyń qaramaǵynda bolýy durys. Ol úshin Bilim, ǵylym jáne halyqaralyq baılanys departamenti quryldy. Atalǵan departamenttiń dırektory bolyp tanymal ǵalym, uzaq jyldar boıy bilim júıesinde jumys istegen Islam Bolathanuly taǵaıyndaldy», - dedi A.Muhamedıuly.