QR MGM men naryqtaǵy iri satýshylar suıyq gazdy janarmaı retinde paıdalanýdaǵy yntymaqtastyq memorandýmyna qol qoıdy
«Memorandýmnyń negizgi maqsaty - Qazaqstanda zararly zattekterdiń atmosferaǵa shyǵarylýyn azaıtýǵa jol beretin janarmaıdyń ekologııalyq taza túrlerin damytý, elimizdegi iri qalalarda ekologııalyq jaǵdaıdy jaqsartý jáne Respýblıka naryǵyndaǵy jeńil munaı ónimderiniń tapshylyǵyn azaıtý bolyp tabylady. Budan basqa, avtokóliktiń benzınnen kómirsýtekti gazǵa kóshýi avtokólik ıeleri shyǵyndarynyń áldeqaıda azaıýyna múmkindik beredi», - dep atap ótti QR Munaı jáne gaz mınıstri Uzaqbaı Qarabalın.
Aıta ketý kerek, komprımırlengen gazdy janarmaı retinde paıdalaný boıynsha Munaı jáne gaz mınıstrligi men «QazTransGaz» AQ birigip jumys júrgizýde. Búginde Almatynyń 250-den astam avtobýsy men 300 jeńil kóligi «QazTransGaz» AQ-nyń 3 stansasynda quıylatyn gazdy janarmaıdy paıdalanýda. 2014-2015 jyldarǵa qaraı Almaty ákimdigi gazben júretin avtobýstardy myńǵa jetkizýdi josparlap otyr.
Mınıstrdiń aıtýynsha, EHRO-2017 kórmesin ótkizý aıasynda tabıǵı gazǵa elordalyq avtokólikter de kóshirilmek. «2014 jyldyń maýsymynan bastap Almatydan komprımırlengen tabıǵı gazdy, al 2017 jylǵa qaraı Qyzylorda oblysyndaǵy qondyrǵydan tabıǵı suıyq gazdy Astanaǵa jetkizý múmkindikteri qarastyrylýda», - dedi mınıstr.