QR men RF «Baıqońyr» keshenindegi keleshektegi yntymaqtastyq tujyrymdamasyna qol qoıdy
Búgin Sankt-Peterbýrg qalasynda Qazaqstan Respýblıkasy Premer-Mınıstriniń birinshi orynbasary Asqar Mamın men Reseı Federatsııasy Úkimeti Tóraǵasynyń orynbasary Dmıtrıı Rogozın «Baıqońyr» kesheninde keleshektegi yntymaqtastyq tujyrymdamasyna qol qoıdy.
Tujyrymdama Qazaqstan men Reseı prezıdentteriniń «Baıqońyr» keshenindegi yntymaqtastyqtyń perspektıvalaryn pysyqtaý týraly ýaǵdalastyqtaryna sáıkes ázirlendi jáne 2050 jylǵa deıin eseptelingen.
Tujyrymdama jalǵa alý qatynastaryn jalǵastyrý aıasynda Taraptardyń birlesip Baıqońyr qalasynyń jáne ǵarysh aılaǵynyń ınfraqurylymyn damytý (jetildirý), ınvestıtsııalar tartý, jańa jumys oryndaryn qurý, turǵyn úı salý, týrızmdi damytý, sharýashylyq qatynastardyń jańa nysandaryn sindirý týraly ýaǵdalastyǵyn bekitedi. Biraq bastysy - bul ǵarysh aılaǵynyń qoldanystaǵy ınfraqurylymynyń negizinde jańa birlesken ǵaryshtyq jobalardy jáne eń aldymen «Báıterek» jobasyn iske asyrý.
Tujyrymdamany iske asyrý sheńberinde uzaq merzimge arnalǵan Baıqońyr qalasynyń damýynyń birlesken baǵdarlamasyn qurastyrý boljalýda.
Sonymen qatar, búgin Qazaqstan Respýblıkasynyń Qorǵanys jáne aeroǵarysh ónerkásibi mınıstri Beıbit Atamqulov pen ǵarysh salasyndaǵy «Roskosmos» Memlekettik korporatsııasynyń bas dırektory Igor Komarov 1995 jylǵy 23 jeltoqsandaǵy Qazaqstan Respýblıkasy men Reseı Federatsııasy arasyndaǵy Baıqońyr qalasynyń mártebesi jáne ondaǵy atqarýshy ókimet organdaryn qurýdyń tártibi men olardyń mártebesi týraly kelisimge ózgeris engizý týraly Hattamaǵa qol qoıdy.
Hattama, Qazaqstan Respýblıkasynyń Baıqońyr qalasynda jumys isteıtin memlekettik organdar tizimine Qazaqstan Respýblıkasynyń qosymsha 10 memlekettik organnyń bólimshelerin qosýdy qarastyrady.
Hattamaǵa qol qoıý Qazaqstan Respýblıkasynyń memlekettik organdarynyń birqatar memlekettik fýnktsııalaryn oryndaýdy qamtamasyz etý, sonymen qatar qazaqstandyq standart boıynsha memlekettik qyzmet alýǵa azamattardyń quqyǵyn qorǵaýdy qamtamasyz etý úshin qajet.