QR men EO arasyndaǵy vızalyq rásimdi jeńildetý sheshimin tabady dep senemiz - Elbasy
«Qazaqstan Qytaı Halyq Respýblıkasymen jan-jaqty strategııalyq áriptestikti damytýǵa erekshe kóńil bólip keledi. Dıplomatııalyq baılanys ornaǵan sátten beri biz tatý kórshilik jáne ózara túsinistik rýhynda damyp kele jatqan memleketaralyq qatynastyń úlgili modelin qurdyq. Qytaı Halyq Respýblıkasynyń tóraǵasy Sı Tszınpın myrzamen jıi ótip turatyn turaqty kezdesýlerimiz sonyń aıqyn belgisi», - dedi Nursultan Nazarbaev.
Elbasy bıylǵy maýsymda Qytaıǵa jasaǵan memlekettik sapary jáne onyń barysynda qol jetkizilgen ýaǵdalastyqtar eki-jaqty qarym-qatynastardyń deńgeıi joǵary ekenin taǵy da kórsetetindigin basa aıtty.
«Qazirgi kezde eki eldiń úkimetteri ózara kelisimderdi júzege asyrý úshin belsendi jumys atqaryp jatyr. Atap aıtqanda «Nurly jol» jańa ekonomıkalyq saıasatyn, Jibek joly ekonomıkalyq beldeýi bastamasymenen ushtastyrý jóninde yntymaqtastyqqa erekshe kóńil bólip otyr», - dedi Memleket basshysy.
Qazaqstan Prezıdenti elimizdiń Eýropalyq odaqpen qarym-qatynasy syndarly dıalogqa, senimmen ózara qurmetke negizdelgen basa aıtty.
«Bıyl elimizdiń Eýropalyq odaǵymen dıplomatııalyq qatynas ornatqanyna 25 jyl toldy. Qazirgi basty mindetimiz - 2015 jyly qol qoıylǵan Qazaqstan men Eýropalyq odaq arasyndaǵy keńeıtilgen áriptestik pen yntamaqtastyq týraly kelisimdi qoldanysqa engizý, sondaı-aq Brıýsseldiń Ortalyq Azııa elderine qatysty jańa strategııasyn ázirleýge kúsh jumyldyrý. Buǵan qosa Qazaqstan men Eýroodaq arasyndaǵy vızalyq rásimdi jeńildetý máselesi laıyqty sheshim tabady dep senemiz», - dedi Nursultan Nazarbaev.
Elbasy Ispanııa Qazaqstanǵa strategııalyq áriptes memleketterdiń biri ekendigin atap ótti.
«2017 jyly maýsym aıynda Uly mártebeli Ispanııa koroli VI Fılıppeniń Astanaǵa alǵashqy resmı saparmen kelgeni jáne EKSPO-2017 halyqaralyq kórmesiniń ashylýyna qatynasqany esimizde. Burynnan kele jatqan senim men áriptestikti jalǵastyrǵany úshin rızashylyǵymdy Korol myrzaǵa bilderemin. Ózara ýaǵdalastyǵymyzdy júzege asyrý, ekonomıka jáne ónerkásip salasyndaǵy yntymaqtastyq týraly úkimetaralyq komıssııa jáne iskerlik keńes zor úles qosady», - dedi Memleket basshysy.
Nursultan Nazarbaev Qazaqstan men Izraıl arasyndaǵy baılanystar dostyq pen ózara túsinistik rýhynda qarqyndy damyp kele jatqanyn aıryqsha atap ótti.
«2016 jyly Izraıl Premer-Mınıstri Bıamın Nahý myrzanyń Astanaǵa resmı sapary jáne sonyń barysynda ótken bıznes forým ózara yqpaldastyǵymyzdyń aıasyn keńeıtýge tyń serpin berdi. Biz Izraılmen túrli salalarda yntymaqtastyqty nyǵaıtýǵa múdelimiz. Atap aıtqanda, aýyl sharýashylyǵy, ınnovatsııalyq tehnologııaǵa, densaýlyq saqtaý salalary basty úsh baǵyt bolyp sanalady», - dedi Elbasy.
Memleket basshysy shırek ǵasyr ishinde Qazaqstan men Slovakııa arasynda yntymaqtastyq, eki jaqty qarym-qatynas halyqaralyq uıymdar aıasynda nyǵaıa túskenin aıtty.
«Saýda-ekonomıkalyq baılanystardyń artýyna ekonomıkanyń, ǵylymı tehnıkanyń yntymaqtastyǵy jónindegi úkimet aralyq komıssııanyń belsendi qyzmeti de septigin tıgizip otyr. Aldaǵy ýaqytta bizde eki jaqty taýar aınalymyn ulǵatý, eknomıkalyq ózara árekettestiktiń jańa baǵytyn aıqyndaý qajet bolady», - dedi Elbasy.
Sóz sońynda Memleket basshysy dıplomattardy Qazaqstandaǵy mártebeli ári jaýapty dıplomatııalyq qyzmetteriniń bastalýymen shyn júrekten quttyqtady.
«Sizderdiń jańa mıssııalaryńyz elderimiz arasyndaǵy yntymaqtastyqty jan-jaqty damytýǵa septigin tıgizedi dep senemin. Barshańyzǵa zor densaýlyq, mol tabys tileımin. Qazaqstandaǵy kúnderińiz sátti bolsyn», - dedi Nursultan Nazarbaev.
Aıta keteıik, Memleket basshysyna Slovakııa Elshisi Mılan Kollar, Ispanııa Koroldiginiń Elshisi Davıd Artýro Karrıedo Tomas, Qytaı Elshisi Chjan Sıao, Eýropalyq odaqtyń Qazaqstandaǵy ókildiginiń basshysy Sven-Olov Karlsson, Izraıl Elshisi Lıat Vekselmanı senim gramotasyn tabys etken bolatyn.