QR Memlekettik qyzmet isteri jáne sybaılas jemqorlyqqa qarsy is-qımyl agenttiginiń Qyzylorda oblystyq departamenti basshysy taǵaıyndaldy
12:16, 02 Jeltoqsan 2014
QYZYLORDA. QazAqparat - QR Memlekettik qyzmet isteri jáne sybaılas jemqorlyqqa qarsy is-qımyl agenttiginiń tóraǵasy Q.Qojamjarovtyń buıryǵymen Qyzylorda oblysy boıynsha departamentiniń basshysy bolyp Qarymsaqov Murat Sekeshuly taǵaıyndaldy.
Ol buǵan deıin ol ulttyq qaýipsizdik organdarynda qyzmet atqarǵan. Bul týraly osy agenttiktiń Qyzylorda oblysy boıynsha departamentiniń baspasóz qyzmeti habarlady.
M.Qarymsaqov 1967 jyly Shyǵys Qazaqstan oblysy Zyrıanov qalasynda dúnıege kelgen. 1994 jyly Reseı Federatsııasynyń qarsy barlaý federaldyq qyzmet akademııasyn bitirgen. Ulttyq qaýipsizdik organdarynda 25 jyldam astam qyzmet atqarǵan. 4 jyldam astam ulttyq qaýipsizdik organdarynyń aýmaqtyq bólimshesiniń basqarmasyn basqarǵan.