QR Memlekettik hatshysy jumys berýshilerdi WorldSkills qozǵalysyn qoldaýǵa shaqyrdy

ASTANA. QazAqparat - Qazaqstannyń jumys berýshi kompanııalary WorldSkills qozǵalysyna qoldaý kórsetýi tıis. Búgin «Kadrlardy daıyndaý júıesin jańǵyrtý: jaı-kúıi men bolashaǵy» atty konferentsııa barysynda sóz sóılegen QR Memlekettik hatshysy Gúlshara Ábdiqalyqova osylaı dedi.

«WorldSkills jobasy álemniń kóptegen elderinde memlekettiń mol qoldaýyna ıe jáne men «WorldSkills Qazaqstan» qamqorshylyq keńesiniń tóraıymy retinde Qazaqstannyń tehnıkalyq jáne kásibı bilim berý júıesiniń halyqaralyq úzdik tájirıbemen ıntegratsııalanýyna járdem berýge daıyn ekendigimdi bildirgim keledi. Buǵan qosa, jumys berýshi kompanııalar men oqý oryndaryn tehnıkalyq kadrlar daıyndaý jónindegi WorldSkills qozǵalysyna qoldaý bildirýge shaqyramyn», - dedi Memlekettik hatshy.

Onyń atap ótýinshe, búgingi kúnniń ózinde jumys mamandyqtarynyń tartymdylyǵyn arttyryp, onyń mártebesin kóterýde elimizde barlyq jaǵdaı jasaý úshin WorldSkills tetikterin belsendi qoldaný qajet.

«Aıta keterlgi, WorldSkills kásibı daǵdy men quzyretti ǵana damytyp qoımaı, sonymen birgen kásibı standarttardy da qalyptastyrady. Buǵan qosa, atalǵan jarystardyń nátıjesi - bul árbir eldiń betke ustar kartasy desek te bolady. Biz aǵymdaǵy jyly baǵdarlamaǵa alǵash ret qatystyq», - dedi G.Ábdiqalyqova.