QR Memlekettik hatshysy Jambyl Jabaev pen Nurǵısa Tilendıevtiń eskertkishine gúl shoǵyn qoıdy

ALMATY. QazAqparat - Memlekettik hatshy Qyrymbek Kósherbaev bastaǵan bir top delegat Almaty oblysyndaǵy Jambyl Jabaev atyndaǵy ádebı-memorıaldy mýzeı-úıinde boldy, dep habarlaıdy QazAqparat tilshisi.

Premer-mınıstrdiń orynbasary Eraly Toǵjanov, Almaty oblysynyń ákimi Qanat Bozymbaev, Mádenıet jáne sport mınıstri Aqtoty Raıymqulova, Qyrǵyzstannyń Memlekettik hatshysy jáne qoǵam qaıratkerleri men aqyn, jazýshylar Jambyl Jabaev pen Nurǵısa Tilendıevtiń eskertkishine gúl shoǵyn qoıyp, quran baǵyshtady.

Sodan keıin Jambyl Jabaevtyń ádebı-memorıaldyq mýzeıinde jas aqyn, jazýshylarmen kezdesý ótti. Jıyn barysynda «Jambyl Álemi» kitabynyń 30 tomdyǵy tanystyryldy.

Shara barysynda Almaty oblysynyń ákimi Qanat Bozymbaev bıyl qazaqtyń birtýar aqynynyń 175 jyldyq mereıtoıy respýblıka kóleminde keńinen atalyp ótip jatqanyn tilge tıek etti.

Tek Almaty oblysynda 700-den astam túrli is-sharalar: ádebı keshter, taqyryptyq ekskýrsııalar, kitap kórmeleri, dóńgelek ústelder, aqyndar aıtysy jáne aqyn shyǵarmashylyǵyn nasıhattaýǵa baǵyttalǵan basqa da is-sharalar uıymdastyryldy.

Shara QR Táýelsizdiginiń 30 jyldyǵy men aqyn Jambyl Jabaevtyń 175 jyldyǵyn merekeleý aıasynda ótkizilip otyr.