QR Memlekettik hatshysy vedomstvolyq nagradalar boıynsha geraldıkalyq komıssııa otyrysyn ótkizdi

ASTANA. QazAqparat - QR Memlekettik hatshysy Ádilbek Jaqsybekovtiń tóraǵalyǵymen Qazaqstan Prezıdenti janyndaǵy konsýltatıvtik-keńesshi organ - Vedomstvolyq nagradalar jónindegi geraldıkalyq komıssııanyń otyrysy ótti, dep habarlady Aqordanyń baspasóz qyzmeti.

«Otyrysta vedomstvolyq jáne olarǵa teńestirilgen ózge de nagradalarmen marapattaý jumysynyń jaı-kúıi, «Eńbek ardageri» medaliniń quqyqtyq mártebesin bekitý, sondaı-aq vedomstvolyq nagradalardyń geraldıkalyq sıpattamasyn jetildirý jónindegi usynystar qaraldy. Otyrys qorytyndysynda naqty tapsyrmalar men usynymdar berildi», - dep habarlandy saıtqa ornalastyrylǵan baspasóz baıanynda.

Vedomstvolyq nagradalar jónindegi geraldıkalyq komıssııa Memleket basshysynyń 2011 jylǵy 30 qyrkúıektegi №155 Jarlyǵymen qurylǵan. Onyń quramyna Prezıdent Ákimshiliginiń, Premer-Mınıstr Keńsesiniń, ózge memlekettik organdardyń ókilderi, Parlament depýtattary, qoǵam qaıratkerleri jáne kásibı mamandar kiredi.

Komıssııanyń negizgi mindeti - vedomstvolyq nagradalardyń normatıvtik quqyqtyq aktilerin jáne olardyń geraldıkalyq sıpattamalaryn jetildirý.