QR Memlekettik hatshysy V Baký halyqaralyq gýmanıtarlyq forýmyna qatysady

BAKÝ. QazAqparat - QR Memlekettik hatshysy Gúlshara Ábihalyqova 29-30 qyrkúıek kúnderi ótetin V Baký halyqaralyq gýmanıtarlyq forýmyna qatysý úshin Baký qalasyna barady, dep habarlady Ázerbaıjandaǵy QR Elshiligi.

Jospar boıynsha, ol forýmnyń plenarlyq otyrysynda sóz sóıleıdi jáne dóńgelek ústelderge qatysady.

Sonymen birge, 30 qyrkúıek kúni Memlekettik hatshy men G.Alıev atyndaǵy «Qazaqstan-Ázerbaıjan» dostyq qoǵamy aktıvimen jáne músheleriniń kezdesýi ótedi. Bul shara QR Táýelsizdiginiń 25 jyldyǵyna arnalady. Onda eki eldiń mádenıet, óner jáne bilim salasyndaǵy yntymaqtastyq máseleleri talqylanady.

Kezdesýge ÁR Mıllı Medjlıs (parlament) depýtattary - «Qazaqstan-Ázerbaıjan» parlamentaralyq dostyq tobynyń músheleri, Ázerbaıjannyń qoǵam qaıratkerleri, Bakýde akkredıttelgen qazaqstandyq kompanııalardyń ókilderi jáne Ázirbaıjanda oqyp jatqan qazaqstandyq stýdentter qatysady.