QR Memlekettik hatshysy Semeıdegi Abaı atyndaǵy mýzeıge baryp qaıtty

SEMEI. QazAqparat - QR Memlekettik hatshysy Qyrymbek Kósherbaev bastap kelgen Abaıdyń 175 jyldyq mereıtoıyn daıyndaý jáne ótkizý jónindegi memlekettik komıssııa músheleri Abaı atyndaǵy tarıhı-mádenı jáne ádebı-memorıaldyq mýzeı-qoryǵyna atbasyn burdy.

Mýzeı dırektory Turdyqul Shanbaı qonaqtardy jergilikti mádenı muramen tanystyryp, ekskýrsııa jasady. Sondaı-aq ol munda júrgizilgen qaıta jóndeý jumystarynyń nátıjesin de kórsetti, dep habarlaıdy QazAqparat Shyǵys Qazaqstan oblysynyń Aqparat ortalyǵyna silteme jasap.

Munda jazýshynyń balalyq shaǵy men shyǵarmashylyǵynan syr shertetin biregeı jádigerler saqtalǵan. Sonymen qatar uly aqynnyń mýzykalyq aspaptary da kórme zalynan oıyp turyp oryn alǵan. Uly oıshyldyń 175 jyldyq mereıtoıyna oraı mýzeıdiń zaldaryna qaıta jóndeý jumystary júrgizilip, nysannyń aınalasy abattandyryldy. Mýzeıde zamanaýı tehnologııalar qoldanylady. Oǵan Semeı turǵyndary joǵary baǵa beretini sózsiz.

«Uly aqynnyń 175 jyldyq mereıtoıyna oraı qurylys-jóndeý jumystary júrgizildi. Bul atqarylǵan sharýanyń bir parasy ǵana. Maǵan bizdiń mýzeıdi kórsetý úlken qýanysh. Abaı Qunanbaıuly – qazaqtyń uly aqyny, qazaq jazba ádebıetiniń negizin qalaýshy. Bizdiń jerlesimizdiń ereksheligi sol, onyń kelbetin barlyq qyrynan kórsetýge bolady», - dedi mýzeı dırektory Turdyqul Shanbaı.

Mýzeı qyzmetkerleri qaıta jańartylǵan medrese ǵımaratynda ekskýrsııa jasatyp, sol zamandaǵy oqý synyptarynyń qandaı bolǵanyn kórsetti.

Esterińizge sala keteıik, qazaq jazba ádebıetiniń negizin qalaýshy, uly aqynnyń 95 jyldyǵyna oraı 1940 jyly 16 jeltoqsanda Abaı atyndaǵy ádebı-memorıaldyq mýzeıi ashyldy.