QR Memlekettik hatshysy Nazarbaev Ýnıversıtetinde dáris oqydy
Dáriske joǵary oqý orynnyń stýdentteri, professorlyq-oqytýshylyq quramnyń ókilderi, qyzmetkerler men shaqyrylǵan qonaqtar qatysty.
Elimizdiń jetekshi joǵary oqý ornynda oqyǵan dáristiń bastapqy sózinde Memlekettik hatshy Qazaqstan Respýblıkasynyń Prezıdenti N.Nazarbaevtyń «Nurly jol - bolashaqqa bastar jol» atty jańa Joldaýynyń áleýmettik baǵdarlylyǵyn aıtyp, onda elimizdiń tutastaı ınfraqurylymyn damytýǵa basty oryn berilip otyrǵanyn aıryqsha atap kórsetti. Bul jańa jumys oryndaryn ashýǵa, halyqtyń jumyspen qamtylýyna, sondaı-aq áleýmettik ınfraqurylymǵa teń qoljetimdilikti qamtamasyz etýge septesetin bolady. Qolǵa alynǵan sharalar ekonomıka salalarynyń damýyna jańa serpin berip, Qazaqstannyń eń damyǵan otyz eldiń qataryna kirýin jedeldetedi. Sondaı-aq, Gúlshara Ábdiqalyqova eń damyǵan otyzdyqqa kirýdiń negizgi sharty elimizde adamı kapıtaldy damytý ekenin atap ótti. Dáris barysynda Memlekettik hatshymen adamı kapıtaldy damytýdaǵy aǵymdaǵy negizgi jahandyq qyrkórsetýler qarastyryldy. Memlekettik hatshynyń pikirinshe, jańa tehnologııalardy damytý ári qyrkórsetýler, ári memleketti damytýdyń múmkindigi retinde qarastyrylady. Innovatsııalar men bilimdi qoldaný ekonomıkanyń ónimdiligine jaǵdaı týǵyzady. Bul rette, G.N.Ábdiqalyqova «ekonomıka salalarynyń básekege qabylettiligi, birinshi kezekte, sapaǵa, ónimdilike jáne adamı resýrstardyń ıkemdiligine qatysty» ekenin atap ótti. Memlekettik hatshy álemniń túrli elderindegi adam damýynyń ındeksi men jan basyna shaqqandaǵy kiristiń arasyndaǵy oń arasalmaqty atap ótti, elderdiń damýyndaǵy ınnovatsııanyń yqpalyn talqylady, álemniń damyǵan jáne damýshy ekonomıkalarynyń arasyndaǵy alshaqtyqty qandaı faktorlar ulǵaıtýy múmkin ekeni jóninde áńgimelep berdi. G.N.Ábdiqalyqova adamı kapıtaldy damytýǵa jaǵdaı týǵyzatyn salalardy atap kórsetti - olar bilim, densaýlyq saqtaý, jumyspen qamtý jáne halyqty áleýmettik qorǵaý júıesi. Memlekettik hatshy óz dárisiniń aıasynda ulttyq ekonomıkanyń ónimdiligin arttyrý úshin otandyq kadrlardyń básekege qabylettiligin kóterý máselelerine jan-jaqty toqtaldy. Dáris qorytyndysynda Memlekettik hatshy memleket sonyń sheńberinde jumys júrgizip jatqan adamı kapıtaldyń sapasyn jáne eńbek resýrstarynyń ónimdiligin arttyrýdyń basymdyqtaryn atap aıtty. Dáristiń qorytyndysy boıynsha stýdentter men oqytýshylar Memlekettik hatshyǵa ózderin qyzyqtyrǵan suraqtar qoıyp, egjeı-tegjeıli jaýaptar aldy.
Aıta keteıik, adam áleýetiniń damý ındeksine sáıkes (PROON) Qazaqstan 2007 jyly 73 orynnan (177 eldiń arasynan) 2013 jyly 70 orynǵa (187 eldiń ishinen) ornalasyp - adam áleýetin damytýdyń joǵary deńgeıli elderiniń tobyna endi.