QR Memlekettik hatshysy G.Ábdiqalyqova belgili qazaq qalamgerlerimen júzdesti
«Kól jaǵasyz, el aǵasyz bolmaıdy, degendeı sizder aýyzy dýaly, sózi ýáli aǵalarymyzsyzdar. Qazir barlyq shyǵarmalaryńyzdy aıtpaǵanmen Ákim aǵamyzdyń (Á.Tarazı) «Jaza» romany, Ánes (Á.Saraı) aǵamyzdyń «Esil-Jaıyq» romany, Dýlat aǵamyzdyń (D.Isabekov) «Qarǵyn» romany, Sábıt aǵamyzdyń (S.Dosanov) «20 ǵasyr» romany, Nurlan aǵamyzdyń (N.Orazalın) «Ǵasyrmen qoshtasý» atty jınaqtary bizdiń altyn baılyǵymyz. Sondyqtan sizdermen jazýshy retinde ǵana emes, tulǵa, qoǵam qaıratkerleri retinde kezdesip, pikir alysqymyz kelip otyr», - dedi kezdesýdi ashqan Memlekettik hatshy.
Sonymen qatar ol aǵymdaǵy jyly Qazaqstan halqy Assambleıasynyń, el Konstıtýtsııanyń 20, Uly Otan soǵysyndaǵy Jeńistiń 70, Qazaq handyǵynyń 550 jyldyq mereıtoılary atalyp ótiletin jyl ekendigin eske salyp ótti.
«Ózderińiz osy taqyryptarda shyǵarmalar jazyp, pikir almasyp júrsizder. Ulytaýdaǵy Elbasymyzdyń bergen úlken suhbatyna da pikirlerińizdi bildirdińizder. Jaqynda ǵana Prezıdent saılaýy boldy. Bul saılaýǵa da ózderińiz atsalystyńyzdar, el birligin kórsetti», - dedi G.Ábdiqalyqova.
Kezdesýge Nurlan Orazalın, Ákim Tarazı, Dýlat Isabekov, Ánes Saraı, Sábıt Dosanov qatysyp, onyń barysynda avtorlyq quqyq, qalamaqy tóleý syndy máseleler jan-jaqty talqyǵa tústi.