QR Memlekettik hatshysy birqatar elshilerden senim gramotalaryn qabyldady

ASTANA. QazAqparat - Memlekettik hatshy Gúlshara Ábdiqalyqova Bosnııa jáne Gertsegovınanyń Qazaqstandaǵy Tótenshe jáne ókiletti elshisi qyzmetin qosa atqarýshy Mýstafa Mýezınovıchten, El-Salvador Respýblıkasynyń Qazaqstandaǵy Tótenshe jáne ókiletti elshisi qyzmetin qosa atqarýshy Efren Arnoldo Bernal Chevezden, Nıgerııa Respýblıkasynyń Qazaqstandaǵy Tótenshe jáne ókiletti elshisi qyzmetin qosa atqarýshy Ibrahım Hamzattan senim gramotalaryn qabyldady, dep habarlaıdy QazAqparat Aqordanyń baspasóz qyzmetine silteme jasap.

Gúlshara Ábdiqalyqova Bosnııa jáne Gertsegovınanyń elshisimen kezdesýde ıÝNESKO-nyń materıaldyq emes mádenı murasy komıtetiniń bıylǵy 4-6 maýsymda Parıjde ótken saılaýynda bizdiń elge qoldaý kórsetkeni úshin alǵys bildirdi. Qazaqstan atalǵan komıtetke alǵash ret saılanyp otyr jáne búkil jer sharyndaǵy mádenı muralardy saqtaý isiniń teorııasy men tájirıbesin jetildirýge óz úlesin qosýǵa nıetti.  

«Tikeleı iskerlik baılanysty damytý mańyzdy. Eki eldiń saýda-ónerkásip palatalary arasynda yntymaqtastyq ornatyp, isker toptar ókilderiniń kezdesýlerin ótkizýdi usynamyz», - dedi Gúlshara Ábdiqalyqova.

El-Salvador elshisimen áńgimelesý barysynda Memlekettik hatshy Qazaqstan ekijaqty yntymaqtastyqty damytýǵa múddeli ekenin atap ótti.

«Sizdiń eldi búgingi kúni EKSPO kórmesiniń platformasynda BUU jáne ІT-startaptar halyqaralyq tehnoparkiniń qoldaýymen «Jasyl» tehnologııalar men ınvestıtsııalyq jobalardy damytý jónindegi halyqaralyq ortalyǵynda,  Astana halyqaralyq qarjy ortalyǵynda júzege asyrylyp jatqan jobalar boıynsha yntymaqtastyqqa shaqyramyz», - dedi G.Ábdiqalyqova.  

Nıgerııa elshisimen kezdesý kezinde Memlekettik hatshy Qazaqstan Qaýipsizdik Keńesiniń 2017-2018 jyldardaǵy turaqty emes múshesi ekenine, basqalarmen birge Somalı men Erıtreıa boıynsha da birqatar sanktsııalyq komıtetterdi basqarǵanyna nazar aýdardy.

«Biz Nıgerııany Islam Yntymaqtastyǵy Uıymynyń, Afrıka Odaǵynyń, basqa da kóp jaqty qurylymdardyń óńirlik jáne halyqaralyq aýqymda syndarly orny bar mańyzdy múshesi retinde bilemiz», - dedi Gúlshara Ábdiqalyqova.

 Sondaı-aq Memlekettik hatshy Qazaqstan Respýblıkasynyń túrli salada ózara tıimdi yntymaqtastyqty damytýǵa múddeli ekenin aıtty.

Rásim sońynda Gúlshara Ábdiqalyqova elshilerdi Qazaqstandaǵy dıplomatııalyq qyzmetteriniń bastalýymen quttyqtap, strategııalyq seriktestik rýhyndaǵy ekijaqty qarym-qatynasty odan ári damytý jolynda tabysqa jetýlerine tilektestik bildirdi.