QR Memhatshysy Atyraýdaǵy ASAR forýmyna qatysýda
Forýmnyń basty maqsaty memleket, kommertsııalyq emes sektor jáne bıznes arasyndaǵy yntymaqtastyq úshin tıimdi alań qurý bolyp tabylady. Forýmnyń ashylýyna Qazaqstan Respýblıkasynyń Memlekettik hatshysy Gúlshara Ábdiqalyqova qatysty.
«Qazaqstanda ÚEU - Bıznes - Memleket formasyndaǵy áleýmettik seriktestik jumys istep jatyr. Búginde memleket úshjaqty yntymaqtastyqty damytý úshin qajetti jaǵdaılardy únemi jetildirip otyr. Birlesken is-sharalar qyzmet sapasyn jaqsartýǵa, jumys oryndaryn qurýǵa, halyqtyń turmys sapasyn arttyrýǵa septigin tıgizetin jańa ıdeıalar men tehnologııalarǵa yqpal etedi», - dep atap ótti Gúlshara Ábdiqalyqova.
Memlekettik hatshy atap ótkendeı, bul protseske Memleket basshysynyń «Rýhanı jańǵyrý» baǵdarlamasy serpin bergen.
Forým «ÚEU-bıznes-memleket: yntymaqtastyqtyń jańa kókjıekteri» taqyrybyndaǵy plenarlyq otyrysymen jalǵasty.
Oǵan Din isteri jáne azamattyq qoǵam mınıstri N.Ermekbaev, Atyraý oblysynyń ákimi N.Noǵaev, «Enactus Kazakhstan» dırektorlar keńesiniń tóraǵasy R.Batalov, «Atameken» Qazaqstan Respýblıkasy Ulttyq kásipkerler palatasy Basqarma tóraǵasynyń orynbasary E.Jumaǵazıev, sondaı-aq Kazenergy qaýymdastyǵynyń ókilderi, 200-ge jýyq ÚEU jáne bıznes-qoǵamdastyq qatysty.
Eki kúndik forým barysynda «Rýhanı jańǵyrý» baǵdarlamasy aıasynda ázirlengen Áleýmettik bastamalar kartasynyń tusaýkeseri, sondaı-aq «Spıker #7» zııatkerlik konferentsııasy, paneldik pikirtalastar, sheberlik synyptary, ınteraktıvti dárister men semınarlar josparlanǵan.
Forýmnyń uıymdastyrýshylary - Qazaqstan Respýblıkasy Din isteri jáne azamattyq qoǵam mınıstrligi, «Atameken» Ulttyq kásipkerler palatasy jáne Atyraý oblysynyń ákimdigi.