QR mádenı saıasatynyń tujyrymdamasy keńinen talqylanýda
«Tujyrymdamada tutynýshylarmen jumys isteýge, bizdiń mádenıetimizdiń barsha álemge tanymaldyǵyn arttyrý úshin halyqaralyq naryqqa shyǵarýǵa basymdyq berilgen. Bul turǵydan alyp qaraǵanda árbir óńirdiń mańyzdylyǵy zor jáne biz árbir óńir mádenıetti damytýǵa óz úlesin qosady dep senemiz», - deıdi tujyrymdama jobasyn tanystyrǵan QR Mádenıet mınıstrligi Saraptama jáne strategııalyq josparlaý departamenti dırektorynyń orynbasary Vıktor Rodıonov.
Onyń atap ótýinshe, mádenı saıasattyń qaǵıdattary men tásilderin iske asyrý úsh kezeńmen júzege asyrylady. Birinshi kezeń 2015-2019 jyldardy qamtysa, kelesi kezeń - 2020-2030 jyldar aralyǵy. Al úshinshi kezeń 2030-2050 jyldar aralyǵyn qamtıdy.
Tujyrymdama jobasy aǵymdaǵy jyldyń 1 qyrkúıegine deıin QR Prezıdenti Ákimshiliginiń qaraýyna engiziledi.