QR ІІM Ulttyq ulanyna 6500-den astam azamat áskerge shaqyryldy

<p>ASTANA. KAZINFORM &ndash; Ǵasyrlar boıy Otandy qorǵaý jáne óz halqyna adal bolýǵa ant berý ár adam úshin qasıetti mindet bolyp sanalady.</p>

Bul dástúrler búgingi kúnge deıin saqtalyp keledi. Kúzgi áskerge shaqyrý naýqany aıasynda 6 myńnan astam jas qazaqstandyq Qazaqstan Respýblıkasy ІІM Ulttyq ulanynyń qataryn tolyqtyrdy. 

Qazaqstan Ulttyq ulany ishki qaýipsizdikti qamtamasyz etýde mańyzdy ról atqarady. Onyń negizgi mindetterine qoǵamdyq tártipti saqtaý, qylmysqa, ekstremızmge jáne terrorızmge qarsy kúres, strategııalyq mańyzdy obektiler men memlekettik mekemelerdi qorǵaý kiredi. Budan basqa Ulttyq ulan tótenshe jaǵdaılardyń zardaptaryn joıýmen aınalysady, daǵdarys jaǵdaıynda halyqqa kómek kórsetedi jáne Ulttyq qaýipsizdik komıtetiniń Shekara qyzmetine Qazaqstan Memlekettik shekarasyn kúzetýge járdem kórsetedi. 

Foto: QR ІІM Ulttyq ulanynyń baspasóz qyzmeti

2-2023 áskerge shaqyrýdyń quqyqtyq tártibi áskerleriniń qatarynan merzimdi áskerı qyzmetin ótegen 6000-nan astam sarbaz zapasqa shyqty. Óz kezeginde olardyń ornyn basar 225 komanda quramynda kelgen 6800-den astam jas jigit shaqyryldy.

Qazirgi ýaqytta áskerge kelgen jas jigitter áskerı bólimderdiń oqý pýnktterinde alǵashqy áskerı daıyndyqtan ótip, áskerı ant qabyldaýǵa daıyndala bastady.

Jas jaýynger kýrsy áskerge shaqyrylýshylarǵa armııa ómirine beıimdelýge ǵana emes, sonymen qatar qyzmettik mindetterdi oryndaý úshin qajetti qasıetterdi meńgerýge kómektesedi. 

Foto: QR ІІM Ulttyq ulanynyń baspasóz qyzmeti

Elordalyq 5573 áskerı bóliminiń 700-ge jýyq áskerge shaqyrylýshysy, Keńes Odaǵynyń Batyry Baýyrjan Momyshuly atyndaǵy 5571 áskerı bóliminiń 600-den astam sarbazy, al Qaraǵandy qalasynyń 6505 áskerı bóliminde 400-den astam jas jigit Otanyna adal bolýǵa birinshi bolyp saltanatty túrde ant beredi. Áskerı rásim 2025 jyldyń 11 qańtarynda ótedi. Ant qabyldaý – bul óz halqyna adal bolý jáne aqtyq demi qalǵansha Otanǵa qyzmet etý týraly ýáde. Áskerı anttyń sózderi sarbazdardyń júreginde ómir boıy saqtalyp, olarǵa júktelgen mindetterdiń qasıettiligi men mańyzdylyǵyn eske salady.

Ulttyq Ulan qataryndaǵy qyzmet el aldyndaǵy boryshyn oryndaýmen shektelmeıdi. Bul jastarǵa odan ári damýǵa múmkindik syılaıdy. Osy jyly ǵana merzimdi qyzmetin aıaqtaǵan 627 áskerı qyzmetshi Qazaqstannyń joǵary oqý oryndarynda oqý úshin bilim granttaryn aldy. Sonymen qatar 500-ge jýyq áskerı qyzmetshi kelisimshart negizinde qyzmetin jalǵastyrý týraly sheshim qabyldady. Jalpy, qazirgi ýaqytta quqyqtyq tártip áskerlerinde merzimdi qyzmettiń 13500-ge jýyq sarbazy qyzmet atqaryp jatyr.

Aqtaý garnızonynyń áskerı qyzmetshileri ushaq apatynan zardap shekken jolaýshylarǵa qan tapsyrǵanyn jazǵan bolatynbyz.