QR ІІM qysqy demalystardyń bastalýyna baılanysty ata-analarǵa úndeý jasady

<p>Qysqy demalystyń bastalýyna baılanysty ІІM ata-analarǵa úndeý jasady, &ndash; dep habarlaıdy <a href="https://kaz.inform.kz/" target="_blank" rel="noopener">Kazinform</a> <a href="https://polisia.kz/qysqy-demalystyng-bastaluyna-bajlanysty-iim-ata-analargha-undeu-zhasady/" target="_blank" rel="noopener">Polisia.kz</a> saıtyna silteme jasap.</p>

– Qurmetti ata-analar! Qazirgi ýaqytta esirtki kez-kelgen otbasynyń ómirine enýi múmkin. Bıyl polıtsııa esirtki taratýǵa qatysy bar 40-tan astam kámeletke tolmaǵan jasóspirimdi ustady. Qysqy demalysqa baılanysty Іshki ister mınıstrligi ata-analardy balalarynyń ómirine barynsha saq bolýǵa shaqyrady, sebebi balanyń esirtki ımmýnıtetin qalyptastyrýda otbasynyń róli zor. Sizder balalaryńyzdyń ortasyn bilýlerińiz kerek, olar paıdalanatyn ınternet-resýrstardy qadaǵalaǵandaryńyz abzal. Jasóspirimniń zattarynyń arasynda kez kelgen dári-dármek qaptamalary, folga, shyny tútikteri, tamshýyrlar kezdesse, muqııat bolyńyz. Munyń bári sıntetıkalyq esirtkini qoldanýǵa arnalǵan qural bola alady. Aqsha shyǵynyna nemese kerisinshe onyń kóbeıýine nazar aýdaryńyz. Sebebi esirtkini qoldanýdan basqa bala tez arada kóp tabys tabý múmkindigine qyzyǵyp, ony taratýǵa qatysýy múmkin, – dedi QR ІІM esirtki qylmysyna qarsy is-qımyl departamenti bastyǵynyń orynbasary Baqytjan Ámirhanov.

Eger sizdiń balańyzdyń:

aralasatyn ortasy ózgerse;

dostarymen sóılesý nemese hat almasý kezinde jańa túsiniksiz sózder paıda bolsa;

telefonda, messendjerlerde geolokatsııalary bar belgiler, fotosýretter paıda bolsa, telefon nómirleri, ınternet-saıtqa siltemeleri bar jazbalar nemese sandar jıyntyǵy bolsa;

belgisiz zattary bar túrli-tústi orama bolsa, siz kúdiktenýge tıissiz.

Esterińizge sala keteıik, esirtki qylmysy úshin qylmystyq jaýapkershilik 16 jastan, esirtkini satqany úshin 14 jastan bastalady.