QR ІІM Astanadaǵy dámhanada bolǵan jarylystyń jantúrshigerlik vıdeosyn jarııalady

<p>ASTANA. KAZINFORM - 28 qyrkúıek kúni Astanada Aqyrtas kóshesindegi kafelerdiń birinde gaz ballony jaryldy, dep habarlaıdy <a href="ASTANA.%20KAZINFORM%20-%2028%20qyrkúıek%20kúni%20Astanada%20Aqyrtas%20kóshesindegi%20kafelerdiń%20birinde%20gaz%20ballony%20jaryldy,%20dep%20habarlaıdy%20Polisia.kz." target="_blank" rel="noopener">Polisia.kz.</a></p>

QR ІІM mamandandyrylǵan kúzet qyzmeti basqarmasynyń qyzmetkerleri osy oqıǵanyń kýágeri boldy.

Polıtseıler Dıas Ábitbek, Nurjan Iskakov jáne Baqytjan Rahat dereý zardap shekkenderge kómek kórsetýge asyqty. Olar órt sóndirýshiler men jedel járdem shaqyryp, azamattardy órtenip jatqan ǵımarattan evakýatsııalaı bastady.

— Adamdar kóshege shyǵyp jatty, biraq keıbireýleri ishinde qalyp qoıdy. Men olarǵa shyǵýǵa kómektestim, sodan keıin eshkimniń qalmaǵanyn tekserdim. Abyroı bolǵanda ishte eshkim bolǵan joq. Úsh mınýttan keıin órt sóndirýshiler keldi, jáne biz ǵımaratta tórt gaz ballony bar ekenin eskerttik, — dedi Dıas Ábitbek.

Qaýip-qaterge qaramastan, polıtseıler erlik kórsetti. Olardyń áreketteri aýyr zardaptardyń aldyn alyp, azamattardyń qaýipsizdigin qamtamasyz etti.