QR kúsh qurylymdarynda COVID-2019 taralýyna jol bermeý algorıtmi jarııalandy
Qorǵanys jáne Іshki ister mınıstrliginiń, Ulttyq qaýipsizdik komıtetiniń (onyń ishinde UQK Shekara qyzmeti) jáne Memlekettik kúzet qyzmetiniń jeke quramy (onyń ishinde azamattyq personal) arasynda COVID 19 taralý táýekelin azaıtý jónindegi algorıtmder birshama naqtylanyp otyr. Mundaǵy maqsat - jeke quram arasynda qozǵalysty qysqartý jáne COVID 19 taralý qaýpin azaıtý boıynsha ózara is-qımyl jasaý jolymen SOVID-19 juqtyrý qaýpin tómendetý.
Jeke quramǵa jáne azamattyq personalǵa myna mindetter júkteledi:
1) jeke quramnyń qarýly kúsh qurylymdarynyń obektileri (korpýstary, qabattary, oqý bólmeleri, kabınetter jáne basqa da úı-jaılar) arasynda júrip-turýyn boldyrmaý;
2) qaýipsiz áleýmettik qashyqtyqtyń kúsheıtilgen sharalaryn saqtaý;
3) qol alysýdy boldyrmaý;
4) merzimdi qyzmet áskerı qyzmetshilerine, kýrsanttar men kadetterge demalys berýdi boldyrmaý;
5) jeke gıgıena jáne qoǵamdyq gıgıena sharalaryn saqtaý.
4. Qorǵanysmıni, ІІM, UQK jáne MKQ qurylymdyq bólimsheleriniń halyqtyń sanıtarııalyq-epıdemıologııalyq salamattylyǵy salasyndaǵy qyzmetti júzege asyratyn medıtsına qyzmetkeriniń mindeti:
4.1. Jeke quram arasynda jáne vedomstvolardyń medıtsınalyq uıymdarynda COVID-19 anyqtalǵan kezde epıdemııaǵa qarsy is-sharalardy uıymdastyrý jáne júrgizý;
1) medıtsınalyq uıymdardyń «súzgisinde» JRVI jáne COVID-19 (kataraldy kórinister, temperatýra, jótel) belgileri bar barlyq adamdardy qabyldaýdy uıymdastyrý;
2) jabyq úı-jaılarda COVID-19-ǵa kúdikti jáne yqtımal naýqas anyqtalǵan kezde suraý, tekserý kezinde medıtsına qyzmetkerleriniń barynsha az qatysýyn qamtamasyz etý;
3) COVID-19-ǵa kúdikti nemese yqtımal jaǵdaıda patsıentke bir ret qoldanylatyn medıtsınalyq maska usyný; JQQ, jeke profılaktıka quraldary bar jınaqty suratady; patsıentterdi medıtsınalyq maskada, bas kıimde, qolǵaptarda jáne bir ret qoldanylatyn halatta qabyldaý;
4) medıtsınalyq uıymdardyń basshylaryn, gospıtaldyq epıdemıologty (shtattyq epıdemıolog bolmaǵan jaǵdaıda – aýmaqtyq DSB-nyń) «Habarlaý shemasyna» sáıkes - úı-jaıdan shyqpaı habardar etý;
5) COVID-19-ǵa kúdikti naýqasty oqshaýlaǵannan keıin úı-jaıda qorytyndy dezınfektsııa júrgizý;
6) jaqyn jáne yqtımal baılanysta bolǵan adamdardy saralap, baılanysta bolǵan adamdar tizimin qurý;
7) oqshaýlaý jaǵdaılary bolǵan kezde jaqyn baılanysta bolǵandardy úıde oqshaýlaýdy qamtamasyz etedi. Jaǵdaı bolmaǵanda karantındik statsıonarda (úıdegi jaqyn baılanystar úshin), jeke quram arasyndaǵy jaqyn baılanystar úshin – jergilikti atqarýshy organdar aıqyndaǵan úı-jaılarda (áskerı-medıtsınalyq bólimshelerde);
8) medıtsınalyq uıymdardyń úı-jaılarynda sanıtarııalyq-dezınfektsııalyq rejımniń júrgizilýin jáne saqtalýyn (jeldetý, aýysymda keminde úsh ret ylǵaldy jınaý, dezınfektsııalaý) baqylaý.
4.2. Úıde jeke quram arasynda COVID-19 anyqtalǵan kezde epıdemııaǵa qarsy is-sharalardy uıymdastyrý jáne júrgizý
1) jeke quramnyń úıdegi kúdikti nemese yqtımal jaǵdaıynyń tirkelgeni týraly «Habarlaý shemasyna» sáıkes habarlaý;
2) osy qaýlyǵa 33-qosymshaǵa sáıkes jaqyn baılanysta bolǵan adamdardy zerthanalyq tekserýdi qamtamasyz ete otyryp, statsıonarlyq jáne úı jaǵdaıynda karantındi uıymdastyrý úshin jaqyn jáne yqtımal baılanysta bolǵan adamdardy anyqtaý.
Qaýlynyń tolyq nusqasyn myna siltemeden oqýǵa bolady.