QR Qorǵanys mınıstrliginiń saıty úzdikterdiń qatarynan oryn aldy

ASTANA. QazAqparat - QR Qorǵanys mınıstrliginiń mod.gov.kz resmı saıty «Bılik jáne ózin-ózi basqarý organdary» nomınatsııasynda «AWARD.kz» mereıtolyq 15-shi ulttyq ınternet-júldeniń 3-oryn ıegeri atandy. Bul týraly QR Qorǵanys mınıstrliginiń baspasóz qyzmeti habarlady.

«AWARD.kz» ulttyq ınternet-júldesi - bul Qaznet veb-saıttarynyń baıqaýy. Onda elimizdiń eń sapaly, qyzyqty, paıdaly jáne kórkem saıttary aıqyndalady jáne olarǵa Ulttyq ınternet-júldeniń qurmetti marapattaryn tabys etedi. Shara 15 jyl qatarynan ótkizilip keledi.

Bıylǵy jyly marapat 12 negizgi jáne 8 arnaıy atalymdar boıynsha tabys etildi. Baıqaýǵa 270-ten asa ınternet-joba qatysty. Olardyń arasynda kompanııalardyń saıttary, blogtar, medıaresrýstar, bilim berý jáne oıyn portaldary, mobıldi qosymshalar bar.