QR Qorǵanys mınıstrliginiń ókilderi Kókshetaý garnızonyna bardy
Qorǵanys vedomstvosynyń ókilderi Aqmola oblysynyń qorǵanys isteri jónindegi departamenti áskerı qyzmetshileriniń jáne olardyń otbasy músheleriniń qyzmet jaǵdaılarymen jáne problemalyq máselelerimen tanysty, áskerı qyzmet, Turǵyn úı jáne zeınetaqymen qamtamasyz etý máseleleri boıynsha qajetti zań kómegin jáne keńes berdi.
General-maıor Muhamedjan Talasov áskerge shaqyrylýshylardyń ata-analarymen kezdesip, ózderin kókeılerinde júrgen saýaldaryna jaýap berdi. Ol qorǵanys isteri jónindegi departament bastyǵy podpolkovnık Rýslan Qasymovtyń áskerı qyzmetshilerdiń tártip, áleýmettik-turmystyq jáne turǵyn úı jaǵdaıy, bólimshedegi moraldyq-psıhologııalyq ahýal, bar máseleler týraly baıandamasyn tyńdady, sondaı-aq QR Prezıdenti Joldaýynyń negizgi erejelerin túsindirdi.
Dál osy kúni Kókshetaý qalasynyń «Táýelsizdik» alańynda «El tiregi» respýblıkalyq aktsııasy aıasynda elimizdiń ońtústigindegi Saryózek kentiniń áskerı bóliminde Qarýly kúshter qatyrynda boryshyn óteıtin áskerge shaqyrýshylardy shyǵaryp salý rásimi ótti.
Sonymen qatar, taǵy bir saltanatty shara ótti. Býrabaı kentindegi Sáken Seıfýllın atyndaǵy orta mekteptiń oqýshylary ant qabyldap, «Jas Sarbaz» áskerı-patrıottyq qozǵalysy tárbıelenýshileriniń qataryna kirdi.
QR QM aqparattyq-túsindirý tobynyń jumysy aıasynda áskerı qyzmetshiler men olardyń otbasylary úshin Ortalyq áskerı orkestr men QR QK Ulttyq áskerı-patrıottyq ortalyǵy ansambliniń kontserti, qoıan-qoltyq urystan jáne qurmetti qaraýyl rotasynyń kórsetilimderi uıymdastyryldy, sondaı-aq «Sarbaz» áskerı-patrıottyq gazeti men «Aıbyn» jýrnaly tanystyryldy.