QR Qorǵanys mınıstrligi Jańa jyl túnindegi áskerı ushqyshtardyń qyzmeti týraly rolık túsirdi (FOTO VIDEO)

ASTANA. QazAqparat - Búgin, 31 jeltoqsan kúni búkil álem Jańa 2016 jyldy qarsy alýǵa daıyndalýda. Alaıda, Qazaqstannyń barlyq kazarmalarymen qatar árbir shańyraqta merekelik dastarhan jaıylyp jatsa, jańa jyldyq túnde óte mańyzdy jáne kúrdeli mıssııa, ıaǵnı, jaýyngerlik kezekshilikti atqaratyndar da bar.

QR QM baspasóz qyzmetiniń habarlaýynsha, Qazaqstannyń Qarýly Kúshterinde narıadtar men qaraýyldar mereke kúni de ótkeriledi. Otandastarymyz Jańa jyldy alańsyz merekeleý úshin, elimiz ben halqymyz senimdi kúzet pen qorǵaýda bolýy úshin áskerı qyzmetshiler jerde jáne áýede ózderiniń qyzmetterin jalǵastyrýda.

Bıylǵy jyly alǵash ret Jańa jyl qarsańynda QR QK ÁQK Áskerı-áýe kúshteriniń ushqyshtary jaýyngerlik korabldiń shtýrvaly astynda merekeni qarsy alý jáne kók aspanda ushý arqyly eldi quttyqtady.

Dástúr boıynsha jyl saıyn Jańa jylda bólimshe komandırleri áskerı qyzmetshilerge tilek-lebizderin bildirip jatatynyn aıta ketken jón. Jańa jyldyq abyr-sabyr, kúıbeń tirshilikke qaramastan, qazaqstandyq armııanyń áskerı bólimderinde úıdegideı jaıly bolý úshin merekelik kóńil-kúı syılaýǵa tyrysady.