QR Qorǵanys mınıstrligi: Qazaqstannyń jańa áskerı týy - jalǵan aqparat
«Áleýmettik jelilerde jáne messendjerde qazaqstandyqtar «Qazaqstannyń jańa áskerı týy» bekitilgeni týraly habardy talqylaýda. Osyǵan baılanysty meniń uıaly telefonyma ashynǵan azamattardan habarlamalar túse bastady. Bul jańalyqtyń jalǵan ekenin jarııa etkim keledi», - dep jazdy Májilis depýtaty Baqytbek Smaǵul Facebook-tegi paraqshasynda. https://www.facebook.com/106924610673229/posts/151075376258152/
Onyń aıtýynsha, aqparattyń bastapqy kózi – «Panorama» basylymy.
«Birinshiden, «Prezıdent qurlyq áskerleri, áýe kúshteri jáne áskerı teńiz floty úshin biryńǵaı áskerı týdyń dızaınyn bekitti jáne ol eldiń barlyq áskerı bólimderi men oqý oryndarynda paıda boldy» degen aqparattyń bastapqy qaınar-kózi «Panorama» basylymy. Al ol ózin «satıralyq basylym» dep ataıdy, ıaǵnı jazatyndary aqıqat aýylynan alys qonǵan ázil-qaljyńdar ǵana. Ekinshiden, áskerı bólimder men áskerı oqý oryndarynda jańa baıraq paıda bolǵan joq, bárinde qoldanystaǵy týlary tur. Úshinshiden, Qorǵanys mınıstrligi basshylyǵymen de habarlastym, olar osy kúnderi eshqandaı áskerı tý ózgertilmegenin rastady», - deıdi ol.
Sondaı-aq, bul aqparatqa qatysty QR Qorǵanys mınıstriligi Aqparat jáne kommýnıkatsııa departamentiniń basshysy Danııar Áljanov pikir bildirdi.
«Bul – feık, jalǵan aqparat. Ras aqparat ekendigi týraly eshqandaı negiz joq», - deıdi ol.