QR Qorǵanys mınıstrligi Qazaq handyǵynyń 550 jyldyǵyna ımıdjdik rolıkter shyǵardy
QR Qorǵanys mınıstriliginen habarlaǵandaı, qazaqstandyq armııadaǵy is-shara búgin keshke bastaý alady. QR QK desantshy áskerı qyzmetshileri men áskerı polıtseıler Astanadaǵy jańa muz aıdyny saraıynda kóz tartarlyq jáne aýqymdy fleshmobqa qatysady. Onda buryn-sońdy bolmaǵan teatrlandyrylǵan qoıylym ótkiziledi.
Odan basqa, ataýly kúnge deıingi birneshe apta buryn QR QK barlyq garnızondarynda, QR Qarýly Kúshteri Qurlyq áskerleriniń óńirlik qolbasshylyqtarynda áskerı qyzmetshilerdiń joǵary patrıotızmi men Otanǵa degen súıispenshilikterin kórsetken patrıottyq aktsııalar ótti.
Sondaı-aq Qazaq handyǵynyń 550 jyldyǵyna oraı Qazaqstanda alǵash ret respýblıkanyń barlyq mektepteri men kolledjderinde «Erlik sabaqtary» ótti. Sabaqtardy 1 300 áskerı qyzmetshi, ıaǵnı, oqý jylynyń birinshi kúninde Bilim jáne ǵylym mınıstrligimen birlesip QR QK generaldary, ofıtserleri jáne serjanttary ótkizdi. Oqýshylarǵa elimizdiń tarıhy, ataýly kúnder, Otan qorǵaýshysynyń keıpin qalyptastyrý týraly áńgimelep berdi. Bul erlik sabaqtaryna mazmundy ǵana emes, sonymen birge bilim berý mán-maǵynasyn berdi. Ol ýaqyt talabyna saı jáne patrıottyq tárbıe berýdiń keń qyzmetine ıe.
Budan basqa, aǵymdaǵy jyldyń sońyna deıin QR Qarýly Kúshterinde osy dataǵa oraılastyrylǵan dóńgelek ústelder, oqý-jattyǵýlar men konferentsııalar ótedi.
Qazaq handyǵynyń 550 jyldyǵyna oraı QR Qorǵanys mınıstrligi arnaıy ımıdjdik beınerolıkter jasady. Onda armııanyń qurylýy men damýy, Otan qorǵaýshy batyr jaýyngerler kórsetilgen.