QR Qorǵanys mınıstrligi: «Aıbyn» jıynyna qatysýshylar alǵashqy tózimdilik synaǵynan ótti (FOTO)

ASTANA. QazAqparat - Búgin «Aıbyn» jıynyna qatysýshylar birinshi synaqtan ótti. Jas qyz-jigitterge kúsh pen tózimdilikti, dáldik pen shapshańdyqty kórsetetin birneshe normatıvterdi tapsyrýǵa týra keldi, dep habarlady QR Qorǵanys mınıstrliginiń baspasóz qyzmeti.

Jigitter belaǵashta kúshtik jattyǵýlardy oryndap, al qyzdar jaǵy keshendi kúshtik jattyǵýlardan normatıv tapsyrdy. Sodan keıin qatysýshylar avtomatty bólshekteý men jınastyrýdy kórsetti, sońynan atys shebine bardy. Kóptegen jastar úshin granat laqtyrý taǵy da bir synaq túri boldy. Árıne, bul naǵyz jaýyngerlik snarıad, shyndyǵynda ımıtatsııa ǵana. Polıgonnyń jaǵdaıy men jertasadan granat laqtyrý kezinde tolqynys saldarynan azdap kúrdelilik týyndaıtyny ras. Degenmen osylardyń barlyǵy - áskerı qyzmetshiniń kúndelikti jasaıtyn jattyǵýlary.

«Aıbyn» jıynyna qatysýshylar úshin áli de bile túsýdi qajet etetin kásip túri ol áskerı qyzmet. Qatysýshylardyń ózderi atap ótkendeı, negizgi áskerı daıarlyqtan ótkenderine qaramastan osyndaı normatıvterdi tapsyrý olarǵa ońaıǵa soqqan joq. Degenmen, barlyǵy jaqsy sheberlik deńgeıin kórsete otyryp, júktelgen tapsyrmany sátti oryndap shyqty.

«Aıbyn» jastar jıynynyń birinshi kúni áli de aıaqtalmaǵanyn aıta ketken jón. Lagerdiń aýmaǵynda qazir naǵyz kórme alańy jaıyldy. Bul «Meniń robotym» baıqaýy. Atalǵan baıqaý barysynda qatysýshylar ózderiniń robot tehnıkasyna qatysty ázirlegen kútpegen tyń ıdeıalaryn kórsetedi. Jýyq arada osylardyń bireýi qazaqstandyq armııanyń qarý-jaraǵy men áskerı tehnıka úlgileriniń qataryna kirýi ábden múmkin.